Заупокойная ектенья

Помилуй нас, Боже, по велицей милости Твоей, молим Ти ся, услыши и помилуй.

Народ трижды: Господи, помилуй.

Еще молимся о упокоении душ усопших рабов) Божиих (имена рек) и о еже проститися им всякому прегрешению, вольному же и невольному.

Народ трижды: Господи, помилуй.

Яко да Господь Бог учинит душы их, идеже праведнии упокояются.

Народ трижды: Господи, помилуй.

Милости Божия, Царства Небеснаго и оставления грехов их у Христа, Безсмертнаго Царя и Бога нашего, просим.

Народ: Подай, Господи.

(Диакон) Господу помолимся.

Народ: Господи, помилуй.

Боже духов и всякия плоти, смерть поправый и диавола упразднивый, и жизнь миру Твоему даровавый: сам, Господи, упокой души усопших рабов Твоих имя рек в месте светле, в месте злачне, в месте покойне, отнюду же отбеже болезнь, печаль и воздыхание. Всякое согрешение, содеянное ими словом, или делом, или помышлением, яко благ и человеколюбец Бог, прости: яко несть человек, иже жив будет и не согрешит, Ты бо един кроме без греха, правда Твоя правда во веки и слово Твое истина

яко Ты еси Воскресение и живот, и покой усопших рабов Твоих (имярек), Христе Боже наш, и Тебе славу возсылаем со Безначальным Твоим Отцем и Пресвятым, и Благим, и Животворящим Твоим Духом ныне, и присно, и во веки веков.

Народ: Аминь.