ЛАВРЕНТЬЕВСКАЯ ЛЕТОПИСЬ

 

Назад    Оглавление    Вперёд

В лѣ^т̑ . ҂s҃ . ѱ҃ . м҃ . е҃ . [1237] Блг҃овѣрнъıи єп^с̑пъ Митрофанъ . постави кивотъ в ст҃ѣи Бц҃ѣ зборнѣи на^д̑ трапезою . и оукраси ѥго златомь и сребро^м̑ . при блг҃овѣрнѣмь кнѧзи велицѣмь Геѡргии ❙ Того^ж̑ лѣ^т̑ . исписа притворъ ст҃оє Бц҃и ❙ Того^ж̑ лѣ^т̑ . На зиму придоша ѿ всточьнъıѣ странъı . на Рѧзаньскую землю лѣсо^м̑ безбожнии Татари . и почаша воєвати Рѧзаньскую землю . и плѣноваху и до Проньска . поплѣнивше Рѧзань весь и пожгоша . и кнѧзѧ ихъ оубиша . ихже ємше ѡвъıВперёдхуть . другъıӕ же стрѣлами растрѣлѧху в нѧ . а ини ѡпакъı руцѣ свѧзъıвахуть . много же ст҃хъ цр҃кви ѡгневи предаша . и манастъıрѣ и села пожгоша . имѣньӕ не мало ѡбоюВперёдвзѧша . пото^м̑ поидоша на Коломну ❙ Тоє же зи/л.160/мъı . Поиде Всеволодъ . сн҃ъ Юрьєвъ . вну^к̑ Всеволожь . противу Татаро^м̑ . и сступишасѧ оу Коломнъı ^Д. и бъı^с̑ сѣча велика . и оубища ү . Всеволода воєводу . Єремѣӕ Глѣбовича . и инъı^х̑ мужии много үбиша оу Всеволода . и прибѣжа Всеволодъ в Володимерь . в малѣ дружинѣ . а Татарове идоша к Москвѣ ❙ Тоє же зимъı . взѧша Москву Татарове . и воєводу үбиша .

Филипа Нѧнка . за правовѣрную хр^с̑ьӕнскую ^А вѣру . а кнѧзѧ Володимера . ӕша руками сн҃а Юрьєва . а люди избиша . ѿ старьца и до сущаго младенца . а гра^д̑ и цр҃кви ст҃ъıӕ ѡгневи предаша ^Б. и манастъıри вси и села пожгоша . и много имѣньӕ възе^м̑ше ѿидоша ❙ Тоє же зимъı . Въıѣха Юрьи . из Володимерѧ . в малѣ дружинѣ . оурѧдивъ сн҃ъı своӕ в собе мѣсто . Всево[ло]да ^В. и Мстислава . и ѣха на Волъгу с снв҃ци своими . с Василько^м̑ и со Всеволодо^м̑ . и с Володимеро^м̑ .Вперёдти стано^м̑ . а ждучи к собѣ брата своѥго Ӕрослава с полкъı . и Ст҃ослава . с дружиною своѥю . и нача Юрьи . кнѧ^з̑ великъıи совку|плѧти воѣ противу Татаро^м̑ . а Жирославу Михаиловичю приказа воєводьство ^Г в дружинѣ своєи . Тоє же зимъı . Придоша Татарове к Володимерю . м^с̑ца февра^л̑ . въ . г҃ . на памѧ^т̑ ста^г̑ Семеѡна . во вторник . пре^ж̑ мѧ^с̑пу^с̑ за не^д̑лю ^Д. Володимерци затвориша^с̑ в градѣ . Всеволо^д̑ же . и Мстиславъ бѧста . а воєвода Петръ . Ѡслѧдюковичь . Володимерце^м̑ не ѡтворѧщи^м̑сѧ . приѣхаша Татари к Золотъı^м̑ ворото^м̑ . водѧ с собою Вододимера .Юрьєвича . брата Всеволожа . и Мстиславлѧ . и начаша просити Татарове кнѧзѧ великого Юрьӕ . єст ли в градѣ . Володимерци пустиша ^Е по стрѣлѣ на Татаръı . и Татарове такоже пустиша по стрѣлѣ . на Золотаӕ ворота . и посе^м̑ рекоша Татарове Володимерце^м̑ . не стрѣлѧите . ѡни же үмолчаша . и приѣхаша близь к ворото^м̑ . и начаша Татарове молвити . знаете ли кнѧжича вашего . Володимера . бѣ бо үнъıлъ лице^м̑ . Всеволодъ же и Мстиславъ . стоӕста на Золотъı^х̑ воротѣ^х̑ и познаста брата своѥго . Володимера . ѡ оумиленоє ви/л.160об./дѣньѥ . и слезъ достоино . Всеволодъ и Мстиславъ . с дружиною своєю . и вси гражане плак^ахусѧ зрѧще . Володимера . а Татарове ѿшедше ѿ Золотъı^х̑ воротъ . и ѡбьѣхаша весь гр^адъ . и сташа стано^м̑ . пре^д̑ Золотъıми вратъı . назрѣємѣ множство вои бещислено ѡколо всего града . Всеволо^д̑ же и Мстиславъ . сжалистаси брата своѥго дѣлѧ Володимера . и рекоста дружинѣ своєи . и Петру воєводѣ . бра^т̑ӕ луче нъı є^с̑ оумрети пере^д̑ Золотъıми вратъı . за ст҃ую Бц҃ю . и за правовѣрную вѣру хьӕньскую . и не да воли ихъ бъıти . Петръ Ѡслѧдюковичь . и рекоста ѡба кнѧзѧ . си всѧ ^наведе на нъı Бъ҃ грѣ^х̑ ради наши^х̑ . ӕко прр҃окъ гле^т̑ . нѣ^с̑ чл҃вку мдр^с̑ти . ни є^с̑ мужства . ни є^с̑ думъı противу Г^с̑ви . ӕко Г^с̑ви годѣ бъı^с̑ тако и бъı^с̑ . буди имѧ Г^с̑не бл^с̑но в вѣкъı . створисѧ ^Г велико зло в Суждальскои земли . ӕкоже зло не бъıло ни ѿ крщ҃ньӕ . ӕко^ж̑ бъı^с̑ нъıнѣ . но то ѡстави^м̑ ❙ Татарове станъı своѣ оурѧдивъ . оу города Володимерѧ . а сами идоша | взѧша Суждаль . и ст҃у Бц҃ю разграбиша . и дворъ кнѧжь ѡгнемь пожгоша . и манастъıрь ста^г̑ Дмитриӕ пожгоша . а прочии разграбиша . а черньци . и черници . старъıӕ . и попъı . и слѣпъıӕ . и хромъıӕ . и слукъıӕ . и трудоватъıӕ . и люди всѣ иссѣкоша . а что чернець үнъı^х̑ . и черпиць . и поповъ . и попадии . и дьӕконъı . и женъı ихъ . и дчери . и сн҃ъı ихъ . то все ведоша в станъı своѣ ^Ж. а сами идоша к Володимерю . В су^б̑ту . мѧ^с̑пу^с̑.ю . ^З почаша нарѧжати лѣсъı . и порокъı ставиша до вечера . а на ночь ѡгородиша тъıно^м̑ ѡколо всего города Володимерѧ . В не^д̑лю мѧ^с̑пу^с̑ю . по заоутрени . приступиша к городу . м^с̑ца февра^л̑ . въ . з҃ . на памѧ^т̑ ста^г̑ м^ч̑ка Феѡдора Стратилата ^И. и бъı^с̑ плачь вели^к̑ в градѣ а не радо^с̑ . грѣ^х̑ ради наши^х̑ . и неправдъı . за оумноженьє безаконии наши^х̑ попусти Бъ҃ поганъıӕ . не акъı милуӕ ихъ . но на^с̑ кажа . да бъıхо^м̑ встѧгнулисѧ . ѿ злъı^х̑ дѣлъ . и сими казньми казнить на^с̑ Бъ҃ . нахоженьє^м̑ поганъı^х̑ . се бо є^с̑ батогъ ѥго . да негли встѧгнувшесѧ ^І ѿ пути своѥго зла/л.161/го . сего ради в праздникъı на^м̑ наводить Бъ҃ сѣтованьє . ӕко^ж̑

прр҃къ глщ҃е . преложю праздникъı ваша в плачь . и пѣсни ваша в ръıданьѥ . и взѧша гра^д̑ до ѡбѣда . ѿ Золотъı^х̑ воротъ . оу ста^г̑ Сп҃са внидоша по примету чересъ горо^д̑ . а сюдѣ ѿ сѣвернъıӕ странъı ѿ Лъıбеди . ко Ѡрининъı^м̑ ворото^м̑ и к Мѣдѧнъı^м̑ . а сюдѣ ѿ Клѧзмъı . к Волжьскъı^м̑ ворото^м̑ . и тако вскорѣ взѧша Новъıи гра^д̑ . и бѣжа Всеволодъ . и Мстиславъ . и вси людьє бѣжаша в Печернии городъ . а єп^с̑пъ Митрофанъ . и кнѧгъıни Юрьєва . съ дчерью . и с ^снохами . и со внучатъı . и прочиѣ кнѧгини . Володимерѧӕ с дѣтми . и множство много боӕръ . и всего народа людии . затворишасѧ в цр҃кви ст҃ъıӕ Бц҃а . и тако ѡгне^м̑ безъ милости запалени бъıша . и помолисѧ бол҃юбивъıи єп^с̑пъ Митрофанъ гл҃ѧ . Г^с̑и Бе҃ силъ . свѣтодавче . сѣдѧи на хѣрувимѣ[хъ] ^А и наоучи[въ] ^Б Ѡсифа . и ѡкрѣпивъ пр҃рка своѥго Дв҃да на Гольӕда . и въздвигнувъıи Лазарѧ четверодн҃евнаго из мер҃твъıхъ . про|стри руку свою невидимо . и приими в миръ дш҃а рабъ своихъ . и тако скончашасѧ . Татарове же силою ѡтвориша двери црк҃внъıӕ . и видѣша ѡвъı ѡгне^м̑ скончавша^с̑ . ѡвъı же ѡружье^м̑ до конца смр҃ти предаша . ст҃ую Бц҃ю разграбиша . чюдную икону ѡдраша оукрашену злато^м̑ и серебро^м̑ и каменьємь драгъı^м̑ . и манастъıрѣ всѣ и иконъı ѡдраша . а инъıѣ исѣкоша . а инъı поимаша . и кр^с̑тъı ч^с̑тнъıӕ . и ссудъı сщ҃еннъıӕ . и книгъı ѡдраша . и портъı блж҃нъı^х̑ первъı^х̑ кнѧзии . єже бѧху повѣшали в цр҃ква^х̑ ст҃хъ . на памѧ^т̑ собѣ . то же все положиша собѣ в полонъ . ӕко^ж̑ пр҃ркъ гл҃ть . Бе҃ придоша ӕзъıци в достоӕньє твоѥ . ѡскверниша цр҃квь ст҃ую твою . положиша Иєрл҃ма ӕко ѡвощноє хранилище . положиша трупьӕ рабъ твоихъ брашно птица^м̑ нб҃нъı^м̑ . плоть прп^д̑бнъı^х̑ твои^х̑ звѣре^м̑ земнъı^м̑ . прольӕша кровь и^х̑ акъı воду ^И. и оубьєнъ бъı^с̑ Пахоми архимандритъ манастъıрѧ Рж^с̑тва ст҃ъı Бц҃а да игуменъ Оуспеньскъıи . /л.161об./ Феѡдосии Сп҃сьскъıи . и прочии игумени . и черньци . и черници . и попъı и дьӕконъı . ѿ оуного и до старца . и сущаго младенца . и та всѧ иссѣкоша . ѡвъı оубивающе . ѡвъı же ведуще босъı . и безъ покровенъ въ станъı своѣ . издъıхающа мразо^м̑ . и бѣ видѣти стра^х̑ и трепетъ ӕко на хр^с̑ьӕньскѣ родѣ . стра^х̑ и колѣбаньє . и бѣда оупространисѧ . согрѣшихо^м̑ казними єсмъı . ӕко^ж̑ нъı видѣти бѣдпо пребъıвающа . И се на^м̑ . сущюю радо^с̑ . скорбь . да и не хотѧще . всѧкъ в будущии вѣкъ . ѡбрѧще^м̑ мл^с̑ть . дш҃а бо сдѣ казнима всѧко . в будущии су^д̑ мл^с̑ть ѡбрѧще^т̑. и лгъıню ѿ мукъı . ѡ неиз^д̑реченьному ти члв҃колюбью. и тако подобаѥть блг҃му Влд҃цѣ казати . и се бо и азъ грѣшнъıи много и часто Ба҃ прогнѣ/л.162/ваю ^Г и часто согрѣшаю по всѧ дн҃и ^Д.

Но нъıнѣ на пре^д̑ре^ч̑наӕ взиде^м̑ . Татарове поплѣниша Володимерь . и поидоша на великого кнѧзѧ Геѡргиӕ . ѡканнии ти ^Е кровопиици . и ѡви идоша к Ростову . а ини к Ӕрославлю . а ини на Волгу на Городець . и ти плѣниша все по Волзѣ . доже и до Галича Мерьскаго . а ини идоша на Переӕславль . и тъ взѧша . и ѿтолѣ всю туВперёд^Ж. и градъı многъı . все то плѣниша . доже и до Торжку . и нѣ^с̑ мѣста ни вси . ни селъ тацѣ^х̑ рѣдко . идеже не воѥваша на Суждальскои земли . и взѧша городовъ . д҃ı . ѡпрочь свободъ . и погостовъ . во ѡдинъ м^с̑ць . февра^л̑ . кончевающюсѧ . м҃е . тому . лѣту . но мъı на предн^ѧӕ взиде^м̑ . ӕко приде вѣсть к великому кнѧзю . Юрью . Володимерь взѧтъ . и цр҃къı зборънаӕ . и єп^с̑пъ . и кнѧгини з дѣтми . и со снохами . и со внучатъı ѡгнемь скончашасѧ . а старѣишаӕ сн҃а . Всеволодъ с брато^м̑ внѣ града үбита . люди избитъı . а к тобѣ иду^т̑ . ѡн же се слъıшавъ . възпи гл^с̑мь великъı^м̑ . со слезами . | плача по правовѣрнѣи вѣрѣ хр^с̑ьӕньстѣи . пре^ж̑ и

на[и]паче ^А ѡ цр҃кви . и єп^с̑па ради . и ѡ люде^х̑ . бѧше бо мл^с̑твъ . нежели собе . и женъı и дѣтии . и въздохнувъ из глубинъı ср^д̑ца рекъ ❙— Г^с̑и се ли бъı годѣ твоѥму ^Б мл^с̑рдью . новъıи Иѡвъ бъı^с̑ терпѣньѥ^м̑ и вѣрою . ӕже к Бу҃ . и нача молитисѧ гл҃ѧ . оувъı мнѣ Г^с̑и луче бъı ми оумрети нежели жити на свѣтѣ семь . нъıнѣ же что ради ѡста^х̑ азъ ѥдинъ . и сице ѥму молѧщюсѧ со слезами . и се внезапу поидоша Татарове . ѡн же ѿложивъ всю печаль . гл҃ѧ ❙— Г^с̑и оуслъıши мл҃тву мою . и не вниди в судъ с рабо^м̑ . своимъ . ӕко не ѡправдитсѧ пре^д̑ тобою всѧкъ живъıи . ӕко погнѧ врагъ дш҃ю мою . и пакъı второє помолисѧ ❙ Г^с̑и Бж҃е мои на тѧ оупова^х̑ и сп҃с мѧ . и ѿ всѣ^х̑ гонѧщи^х̑ избави мѧ . и поидоша безбожнии Татарове . на Сить . противу великому кнѧзю Гюргю . слъıшав же кнѧ^з̑ Юрги с брото^{м̑ В} своимъ Ст҃ославо^м̑ . и с съıновци своими . Василко^м̑ . и Всеволодо^м̑ . и Володимеро^м̑ и с мужи своими . поидоша /л.162об./ противу поганъı^м̑ . и сступишасѧ ѡбои . и бъı^с̑ сѣча зла . и побѣгоша наши пре^д̑ иноплеменникъı . и ту оубьєнъ бъı^с̑ кнѧ^з̑ Юрьи . а Василка ӕша руками безбожнии . и поведоша в станъı ^Г своѣ . се же зло здѣӕсѧ . м^с̑ца . марта . въ . д҃ . дн҃ь . на памѧ^т̑ ст҃ою мч҃нку . Павла . и Оульӕнъı ❙ И ту оубьєнъ бъı^с̑ кнѧ^з̑ великъıи Юрьи . на Сити на рѣцѣ . и дружинъı ѥго много үбиша . блж҃нъıи же єп^с̑пъ Кирилъ . взѧ кнѧзѧ мертва . идъı-из Бѣлаѡзера . и принесе и в Ростовъ . и пѣвъ надъ ни^м̑ ѡбъıчнъıӕ пѣ^с̑ . со игуменъı . и с клирошанъı . и с попъı . со многами слезами вложиша и в гробъ оу ст҃оє Бц҃и . а Василка Костѧнтиновича ведоша с многою нужею до ПІерньского лѣса . и ӕко сташа стано^м̑ . нудиша и много проклѧтии безбожнии Татарове ѡбъıчаю поганьскому ^Б бъıти въ и^х̑ воли . и воєвати с ними . но никакоже не покориша^{с̑ Д} ихъ безаконью . и много сварѧше ӕ гл҃ѧ . ѡ глухоє ц^с̑рьство ^Е оскверньноє . никакоже мене не ѿведете хр^с̑ьӕнь|скоє ^Ж вѣръı . аще и велми в велицѣ бѣдѣ єсмъ . Бу҃ же какъ ѿвѣтъ дасте . ємуже ^Б многъı дш҃а погубили єсте бес правдъı . ихже ради мучити въı има^т̑ Бъ҃ в бесконечнъıӕ вѣкъı . и стѧжет бо Г^с̑ь дш҃ѣ тѣ ихже ѥсте погубили . ѡни же въскрежташа зубъı на нь . желающе насъıтитисѧ ^З крове ѥго . блж҃нъıи же кнѧ^з̑ Василко . помолисѧ гл҃ѧ . Г^с̑и І^с̑се Х^с̑е помагавъıи ми многаждъı . избави мѧ ѿ си^х̑ плотоӕдець . и пакъı помоливъсѧ ре^ч̑ . Г^с̑и Вседержителю . и нерукотворенъıи ц^с̑рю . сп҃си любѧщи^х̑ тѧ . и прошеньӕ ѥгоже азъ прошю дажь ми . помози хр^с̑ьӕно^м̑ . и сп҃си рабъı твоӕ чада моӕ . Бориса . и Глѣба . и ѡц҃а ^И моѥго єп^с̑па Кирила . и пакъı . г҃ .єє помолисѧ . Бл҃годарю тѧ Г^с̑и Бе҃ мои . кую похвалную памѧ^т̑ мою вижю . ӕко младаӕ моӕ памѧ^т̑ желѣзо^м̑ погъıбає^т̑ . и тонкоє моє тѣло үвѧдаѥ^т̑ . и прочеѥ помолисѧ . Г^с̑и І^с̑с Хе҃ Вседержителю приими дх҃ъ мои . да и азъ почию в славѣ твоєи . и се ре^ч̑ абьє безъ мл^с̑ти оубьєнъ бъı^с̑ . и повержену на лѣсѣ . видѣ и єтера жена вѣрна . /л.163/ повѣда мужю бо҃боӕзниву . поповичю Андриӕну . и взѧ тѣло кнѧзѧ Василка и понѧвицею ѡбитъ . реку савано^м̑ . и положи ѥго в скровнѣ мѣстѣ . оувѣдѣв же бо҃любивъıи єп^с̑пъ Кирилъ . и кнѧгъıни Василкова . послаша по кнѧзѧ . принесоша и в Ростовъ . и ӕко понесоша и в гра^д̑ . и мно^ж̑ство народа изидоша противу ѥму . жалостнъıӕ слезъı испущающа . ѡставше такого үтѣше^ч̑ӕ . ръıдаху же народа мно^ж̑ство правовѣрнъı^х̑ . зрѧще ѡц҃а сиръı^м̑ . и кормителѧ ѿходѧщи^{м̑ І}. печалнъı^м̑ оутѣщеньє великоѥ . ѡмрачнъı^м̑ звѣзду свѣтоносну ^К зашедшю . на весь бо цр҃квнъıи ^Г чинъ . ѿверзлъ бѧшеть єму ^Б Бъ҃ ѡчи срдч҃нѣи . и всѣмъ цркв҃нико^м̑ . и нищи^м̑ . и печалнъı^м̑ . ӕко възлюбленъıи бѧше ѡц҃ь . паче же и на мл^с̑тню ^Л. поминаӕ слово Г^с̑не глщ҃еє . блж҃нии мл^с̑твии . ӕко ти помиловани буду^т̑ . и Соломонъ гл҃ть . мл^с̑тнѧми и вѣрою ѡчищаю^т̑сѧ грѣси . тѣ^м̑же и не погрѣши надежи . ѥгоже просѧше оу Ба҃ . Г^с̑и сп^с̑и любѧщи^х̑

тѧ . сего бо блж҃на|го кнѧзѧ Василка . спричте Бъ҃ смр҃ти подобно Андрѣєвѣ . кровью мчн҃чьскою . ѡмъıвъсѧ прегрѣшении свои^х̑ . с брато^м̑ и ѡц҃мъ Геѡргиѥ^м̑ . с велики^м̑ кнѧзе^м̑ . се бо и чюдно бъı^с̑ . ибо и по смр҃ти совкупи Бъ҃ телеси ѥю . принесоша Василка и положиша и в црк҃и ст҃ъıӕ Бц҃а в Ростовѣ . идеже и мт҃и ѥго лежить . тогда же принесоша голову великаго кнѧзѧ Геѡргиӕ . и вложиша ю в гро^б̑ . к своѥму тѣлу . бѣ же Василко лице^м̑ красенъ . ѡчима свѣтелъ и грозенъ . хо[ро]бръ ^А паче мѣръı на ловѣ^х̑ . ср^д̑цмь лего^к̑ . до боӕръ ласковъ . никтоже бо ѿ боӕръ кто ѥму ^Б служилъ . и хлѣбъ ѥго ѣлъ . и чашю пилъ и даръı ималъ . тотъ никако^ж̑ оу иного кнѧзѧ можаше бъıти за любовь ѥго излише же слугъı свои люблѧше . мужьство ^{Б, В} же и оу^м̑ в не^м̑ живѧше . правда жеВперёдс ни^м̑ ходѧста . бѣ бо всему ^Б хъıтръ . и гораздо үмѣӕ . и посѣдѣ в добродн҃ьстви ^В на ѡтни столѣ и дѣдни . и тако скончасѧ ӕко^ж̑ слъıшасте ❙

В лѣ^т̑ . ҂s҃ . ѱ҃ . м҃s . [1238] Ӕрославъ сн҃ъ Всеволода великаго /л.163об./ сѣде на столѣ в Володимери . И бъı^с̑ радо^с̑ велика хр^с̑ьӕно^м̑ ихже избави Бъ҃ рукою своєю крѣпк^ою . ѿ безбожнъı^х̑ Татаръ . и поча рѧдъı рѧдити . ӕко^ж̑ прр҃къ гле^т̑ Бе҃ су^д̑ твои цр҃ви дажь . и правъду твою сн҃ви ц^с̑рви . судити людемъ твои^м̑ в правду . и нищи^м̑ твоимъ в су^д̑ . и потомъ оутвердисѧ в своє^м̑ ч^с̑тнѣмь кнѧжении ❙ Того^ж̑ лѣ^т̑ . Кнѧ^з̑ Ӕрославъ великъıи . ѿда Суждаль брату своѥму Ст҃ославу . Того^ж̑ . лѣ^т̑ . ѿда Ӕрославъ . Ивану Стародубъ . Того^ж̑ . лѣ^т̑ . бъıло мирно ❙

В лѣ^т̑ . ҂s҃ . ѱ҃ . м҃з . [1239] Посла Ӕрославъ кнѧ^з̑ великии . по брата своѥго Геѡргиӕ . в Ростовъ . и привезоша и к Володимерю . и не дошедше ста . изидоша из града противу ѥму ^Б. єп^с̑пъ Кирилъ . и Диѡнисии архимандритъ . поне^соша и в гра^д̑ . съ єп^с̑пмъ . и игуменї . и попове . и черноризци . и не бѣ слъıшати пѣньӕ в плачи . и велици вопли . плака бо сѧ весь гра^д̑ . Володимерь по не^м̑ . Ӕрослав же . и Ст҃ославъ . и кнѧзи Рустии . плакахусѧ по не^м̑ с дружиною своѥю . и мно^ж̑ство боӕръ и слугъ пл^а|кахусѧ лише^н̑ӕ своѥго кнѧзѧ . оубозии кормителѧ . пѣвше ѡбъıчнъıӕ пѣсни . и положиша и в гро^б̑ каменъ . в ст҃ои Бц҃и . в гробници . идеже лежить Всеволодъ ѡц҃ь ѥго ❙ Бѣ Юрьи сн҃ъ блг҃овѣрнаго ѡц҃а Всеволода . оукрашенъ добръıми нравъı . ихже имена вмалѣ повѣмъı . се бо чюднъıи кнѧ^з̑ Юрьи . потщасѧ Бж҃ьӕ заповѣди хранити . и Би҃и стра^х̑ при^с̑ имѣӕ в ср^д̑ци . поминаӕ слово Г^с̑не єже ре^ч̑ . ѡ семь познаю^т̑ въı вси члв҃ци ӕко мои оучн҃ци єсте . аще любите дру^г̑ друга . не токмо же друга но и врагъı ваша любите . и добро творите ненавидѧщи^м̑ ва^с̑ . всѧкъ злосмыслъ ѥго . пре^ж̑ мѣненъıӕ безбожнъıӕ Татаръı . ѿпущаше ѡдаренъı . бѧху^т̑ бо пре^ж̑ прислали послъı своѣ . злии ти кровопиици . рекуще мирисѧ с нами . ѡн же того не хотѧше ӕко^ж̑ прр҃къ гле^т̑ . брань славна луче є^с̑ мира студна . си бо безбожнии со лживъı^м̑ миро^м̑ живуще велику пакость землѧ^м̑ творѧть . єже и здѣ многа зла створиша ^В. Бъ҃ бо казнить напастми различнъıми . да ӕвѧть^с̑ ӕко /л.164/ злато искушено в горнилѣ . хр^с̑ьӕно^м̑ бо многъıми напастми внити в цр^с̑тво неб^с̑ноє . са^м̑ бо Х^с̑ъ Бъ҃ ^Г. нужно є цр^с̑тво нб^с̑ноє и нужници въсхъıтаю^т̑ є . Геѡргиє . мужьство тезоимените . Кровью ѡмъıвъсѧ страданьӕ ти . аще бо не напасть то не вѣнець . аще не мука ни дарове . всѧкъıи бо держасѧ добродѣтели . не може^т̑ безъ многи^х̑ вра^г̑ бъıти . мл^с̑твъ же бѧше паче мѣръı . поминаӕ слово Г^с̑не . блж҃нии мл^с̑тви ӕко ти помиловани буду^т̑ . тѣмь и не щад^ѧше имѣ^н̑ӕ своѥго . раздаваӕ требующи^м̑ . и црк҃ви зижа и үкрашаӕ иконами безъцѣннъıми . и книгами . и градъı многъı постави . паче же Новъгородъ вторъıи поставї на Волзѣ оусть Ѡкъı . и цр҃къı многъı созда . и манастъıрь ст҃ъıӕ Бц҃а Новѣгородѣ . чтѧше^т̑ же излиха чернечьскъıи чинъ . и поповьскъıи . под^аӕ имъ єже на потребу . тѣ^м̑ и Бъ҃ проше^н̑ӕ ѥго свершаше . иснолни лѣ^т̑ ѥго в добродн҃ьствии ^В. и посѣдѣ в Володимерѣ

на ѡтни столѣ . лѣ^т̑ . к҃ . и . д҃ . а на . е҃ .ѥ оубьєнъ бъı^с̑ ѿ | безбожнъı^х̑ . и поганъı^х̑ Татаръ . се же все сдѣӕсѧ грѣ^х̑ ради наши^х̑ . Но не предаи же на^с̑ до конца имени твоѥго ради ста^г̑ . и не ѡстави мл^с̑ти твоєӕ ѿ на^с̑ . млт҃вою ст҃ъıӕ Бц҃а . и блж҃енаго єп^с̑па . Кирила . не презрѣ Г^с̑ь млт҃въı ѥго и слезъ иже приношаше Г^с̑ви молѧсѧ дн҃ь и нощь . абъı не ѡскудѣла правовѣрнаӕ вѣра х^с̑рьӕньскаӕ . єже и бъı^с̑ . сдѣӕ Г^с̑ь спс҃пьє велико кнѧзе^м̑ наши^м̑ . избавилъ ѥ^с̑ ѿ вра^г̑ наши^х̑ . ѡчи бо Г^с̑ни на боӕıцаӕсѧ ѥго . а оуши ѥго в млт҃ву ихъ . гониша по ни^х̑ Татарове . и не ѡбрѣтоша . ӕко^ж̑ . и Саоулъ гонѧше Дв҃да . но Бъ҃ избави ѿ руку ѥго . тако и си^х̑ Бъ҃ избави . ѿ рукъı иноплеменни^к̑ . блг҃оч^с̑тваго и правовѣрнаго . великого кнѧзѧ . Ӕрослава . с блг҃ороднъıми своими сн҃ъı . бѣ же ихъ . s҃ . Ѡлександръ . Андрѣи . Костѧнтинъ . Ѡфонасии . Данило . Михаило . а Ст҃ославъ с съıно^м̑ с Дмитриє^м̑ . Иванъ Всеволодичь . Володимеръ . Костѧнтинови^ч̑ . Василковича . в҃ . Борисъ . и Глѣбъ . Всеволодичь Василии . и си вси схране/л.164об./ни бъıша Бъ҃єю блг^д̑тью . но мъı на пре^д̑реченаӕ взиде^м̑ ❙ Того^ж̑ лѣ . Татарове взѧша . Переӕславль Рускъıи . и єп^с̑па оубиша и люди избиша . а гра^д̑ пожьгоша ѡгне^м̑ . и люди . и полона много взе^м̑ше ѿидоша ❙ Того^ж̑ . лѣ^т̑ . Ӕрославъ иде г ^А Каменьцю ^Б. гра^д̑ взѧ Каменець . а кн^ѧгъıню Михаилову . со множьство^м̑ полона приведе в своӕ си ❙. Того^ж̑ . лѣ^т̑ . Сщ҃на бъı^с̑ цр҃къı Бориса и Глѣба в Кидекшии великъı^м̑ сщ҃еньє^м̑ . на пра^з̑ . Бориса и Глѣба . сщ҃нъıмъ єп^с̑помъ Кириломъ ❙ Того^ж̑ . лѣ^т̑ . Взѧша Татарове Черниговъ . кнѧзи ихъ . въıѣхаша въ Оугръı . а гра^д̑ пожегше и люди избиша . и манастъıрѣ пограбиша . а єп^с̑па Перфурьӕ пустиша в Глуховѣ ^В. а сами идоша в станъı своѣ ❙ Того^ж̑ . лѣ^т̑ . Ӕрославъ иде Смолиньску на Литву . и Литву побѣди . и кнѧзѧ ихъ ӕлъ . а Смольнѧнъı оурѧдивъ . кнѧзѧ Всеволода посади на столѣ . а са^м̑ со мно^ж̑ство^м̑ полона с великою ч^с̑тью ѿиде в своӕ си ❙ Того^ж̑ лѣ^т̑ . На зиму . взѧша Татарове Мордовьскую землю . | и Муро^м̑ пожгоша . и по Клѧзмѣ воєваша . и гра^д̑ ст҃ъıӕ Бц҃а . Гороховець пожгоша . а сами идоша в станъı своӕ ❙ Тогдъı же бѣ пополохъ золъ по всеи земли . и сами не вѣдѧху . и гдѣ хто бѣжить ❙

В лѣ^т̑ . ҂s҃ . ѱ҃ . м҃и . [1240] Родисѧ Ӕрославу дщи . и наре^ч̑на бъı^с̑ . в ст҃омь крщ҃нии . Мрьӕ ❙ Того^ж̑ . лѣ^т̑ . Взѧша Къıѥвъ Татарове . и ст҃ую Софью разграбиша . и манастъıри всѣ . и иконъı . и кр^с̑тъı ч^с̑тнъıӕ . и взѧ оузорочьӕ црк҃внаӕ взѧша . а люди ѿ мала и до велика . всѧ үбиша мече^м̑ . си же злоба приключисѧ до Рж^с̑тва Г^с̑нѧ . на Николинъ дн҃ь ^Б ❙

В лѣ^т̑ . ҂s҃ . ѱ҃ . м҃ѳ . [1241] Родисѧ Ӕрославу сн҃ъ . и наре^ч̑н[ъ] бъı^с̑ въ ст҃мь крщ҃нии . Василии ❙ Того^ж̑ . лѣ^т̑ . Татарове побѣдиша Оугръı ❙ Того^ж̑ . лѣ^т̑ . Татарове оубиша . Мстислава . Ръıльского ❙

В лѣ^т̑ . ҂s҃ . ѱ҃ . н҃ . [1242] Великъıи кнѧ^з̑ Ӕрославъ . посла сн҃а своѥго Андрѣа . в Новъгородъ . Великъıи . в помочь Ѡлександрови . на Нѣмци . и побѣдиша ӕ . за Плесково^м̑ на ѡзерѣ . и полонъ многъ плѣниша . и възвратисѧ Андрѣ/л.165/и къ ѡц҃ю своєму с ч^с̑тью ❙

В лѣ^т̑ . ҂s҃ . ѱ҃ . н҃а . [1243] Великъıи кнѧ^з̑ Ӕрославъ . поѣха в Татаръı к Батъıєви . а сн҃а своѥго Костѧнтин^а посла къ Канови . Батъıи же почти Ӕрослава великого ч^с̑тью и мужи ѥго . и ѿпусти и ре^ч̑ єму . Ӕрославе буди тъı старѣи всѣ^м̑ кнѧзе^м̑ . в Русско^м̑ ӕзъıцѣ . Ӕрослав же възвратисѧ в свою землю с великою ч^с̑тью ❙—

В лѣ^т̑ . ҂s҃ . ѱ҃ . н҃в . [1244] Кнѧ^з̑ Володимеръ . Костѧнтинови^ч̑ . Борисъ Василкови^ч̑ . Василии Всеволоди^ч̑ . и с своими мужи ^Г. поѣхаша в Тата[ръı] ^Д к Батъıєви про свою ѡтчину . Батъıи же почтивъ ӕ . ч^с̑тью достоиною . и ѿнустивъ ӕ . расудивъ имъ когождо в свою ѡч҃ину . и приѣхаша с ч^с̑тью на свою землю ❙—

В лѣ^т̑ . ҂ s҃ . ѱ҃ . н҃г . [1245] Кнѧ^з̑ Костѧнтинъ Ӕрославичь . приѣха ис Татаръ . ѿ Кановичь къ ѡц҃ю своєму ^Г

с ч^с̑тью . Того^ж̑ . лѣ^т̑ . Великъıи кнѧ^з̑ Ӕрославъ . и с своєю бра^т̑єю . и с съıновци поѣха в Татаръı к Батъıєви ❙

В лѣ^т̑ . ҂s҃ . ѱ҃ . н҃д . [1246] Ст҃ославъ . Иванъ кнѧ^з̑ с сн҃вци своими пр^иѣхаша ис Татаръ в свою ѡч҃ину . Того^ж̑ . лѣ^т̑ . Михаило | кнѧ^з̑ Черниговьскъıи со внуко^м̑ своимъ Борисо^м̑ . поѣхаша в Татаръı . и бъıвши^м̑ имъ вВперёдѣ^х̑ . посла Батъıи к Михаилу кнѧзю велѧ ѥму поклонитисѧ ѡгневи . и болвано^м̑ ихъ . Михаило же кнѧ^з̑ не повинусѧ велѣнью ихъ . но үкори и . и глухъıӕ ѥго кумиръı . и тако безъ мл^с̑ти ѿ неч^с̑тъıхъ ^А заколенъ бъı^с̑ . и конець житью приӕтъ . м^с̑ца ^Б. семтѧ^б̑ . въ .к҃. на памѧ^т̑ . ст҃го м^ч̑нка . Євстафьӕ . Батъıи же кнѧзѧ Бориса ѿпусти и к Сартаку сн҃у своѥму ^В. Сартак же почтивъ кнѧзѧ Бориса ѿпусти ӕ в своӕ си . Тоє же ѡсени Ӕрославъ кнѧ^з̑ . сн҃ъ Всеволожь . престависѧ во иноплеменницѣ^х̑ . ида ѿ Кановичь . мц҃а . се^м̑т . въ . л҃ . на памѧ^т̑. ст҃го Григорьӕ .

В лѣ^т̑ . ҂s҃ . ѱ҃ . н҃е . [1247] Слъıшавъ Ѡлександръ см҃рть ѡц҃а своєго . приѣха из Новагорода в Володимерь . и плакасѧ по ѡц҃ѣ своємь . с стръıє^м̑ своимъ Ст҃ославо^м̑ . и с бра^т̑єю своєю . Того^ж̑ . лѣ^т̑ . Ст҃ославъ кнѧ^з̑ сн҃ъ Всеволожь . сѣде в Володимери иа столѣ ѡц҃а своѥго . а сн҃вци свои посади по го/л.165об./родо^м̑ . ӕко^ж̑ бѣ имъ ѡц҃ь оурѧдилъ Ӕрославъ . Того^ж̑ . лѣ^т̑ . Поѣха Андрѣи кнѧ^з̑ Ӕрослави^ч̑ . в Татаръı к Батъıєви . и Ѡлександръ кнѧ^з̑ поѣха по братѣ же к Батъıѥви . Батъıи же почтивъ єю . и посла ӕ г ^Г Каневиче^м̑ ❙

В лѣ^т̑ . ҂s҃ . ѱ҃ . н҃s . [1248] Ѡженисѧ Борисъ кнѧ^з̑ Василкови^ч̑ . оу Ӕрослава оу Муро^м̑ского кнѧзѧ . и вѣнчасѧ оу ст҃оє Бц҃и в Ростовѣ . и бъı^с̑ радо^с̑ велика . Тоє же зимъı . оубьѥнъ бъı^с̑ Михаило Ӕрослави^ч̑ ѿ поганъıӕ Литвъı . блж҃нъıи же єп^с̑пъ Кирилъ посла взѧ ^Д тѣло ѥго . и привезош^а и в Володимерь . и плакаша^с̑ бра^т̑ӕ ѥго и болѧре над ни^м̑ . и пѣвше п^с̑ни . погрѣбалнъıӕ . и положиша и в стѣнѣ оу ст҃оє Бц҃и . на памѧ^т̑ ст҃го . имр҃къ ^Е. Тоє же зимъı Оу Зупцева побѣдиша Литву ^Ж. Суждальскъıи кнѧ^з̑ ❙

В лѣ^т̑ . ҂s҃ . ѱ҃ . н҃з . [1249] Поѣха кнѧ^з̑ Глѣбъ . Василковичь . в Татаръı к С^артаку . Сартак же почтивъ и ѿпусти и в свою ѡчину ❙ Тоє же зимъı . Приѣха Ѡлександръ . и Андрѣи ѿ Кановичь . и приказаша Ѡлекс^андрови Къıєвъ . и всю Русь|скую землю . а Андрѣи сѣде в Володимери на столѣ . Тоє же зимъı . Володимеръ кнѧ^з̑ Костѧнтиновичь . престависѧ в Володимери . на памѧ^т̑ ст҃го первом^ч̑нка Стефана . плакасѧ над ни^м̑ Ѡлександръ кнѧ^з̑ и с бра^т̑єю много . и проводи и ч^с̑тно из Золотъı^х̑ воротъ . и везоша и въ Үглече поле . блж҃нъıи же єп^с̑пъ Кирилъ . и съ игуменъı . пѣвше п^с̑ни погрѣбалнъıӕ . и положиша и оу ст҃го Сп҃са . и много плакашасѧ . Тоє же зимъı . Василии кнѧ^з̑ Всеволодичь престависѧ в Володимери . на памѧ^т̑ ста^г̑ Феѡдора . и повезоша и на Ӕрославль . и Ѡлександръ кнѧ^з̑ проводи и . и Борисъ . и Глѣбъ . и мт҃и ихъ . блж҃нъıи же єп^с̑пъ Кирилъ . съ игуменъı и попъı . пѣвше п^с̑ни погребенъıӕ . и положиша и ч^с̑тно оу ст҃оє Бц҃и . и плашасѧ над ни^м̑ много ❙

В лѣ^т̑ . ҂s҃ . ѱ҃ . н҃и . [1250] Поѣха кнѧ^з̑ Борисъ к Сартаку . Сартак же почтивъ ѿпусти ^З. и в свою ѡч҃ну . Тоє же ѡсени . Поѣха Ст҃ославъ Всеволодичь и с сн҃мъ в Татаръı . Тоє же ѡсени . Приѣха митрополитъ ^И Кирилъ на Суждаль/л.166/скую землю . Тоє же зимъı ѡжени сѧ кнѧ^з̑ Ӕрославичь Андрѣи . Даниловною Романовича . и вѣнча и митрополитъ в Володимери оу ст҃оє Бц҃и . съ єп^с̑пмь Кириломъ и много весельӕ бъı^с̑ ❙

Назад    Оглавление    Вперёд