ЛАВРЕНТЬЕВСКАЯ ЛЕТОПИСЬ

 

Назад    Оглавление    Вперёд

В лѣ^т̑ . ҂s҃ . х҃ . ѯ҃д . [1156] Престависѧ Феѡдосъ . игуменъ Печерскъıи . и по немъ Нифонтъ єп^с̑пъ Новгородьскъıи . м^с̑ца ¹. априлѧ . въ . иı҃ . дн҃ь ². И положиша и ³ в Печерьстѣмь ⁴ манастъıрѣ . В то же лѣ^{т̑ 5}. приде ⁶ митрополитъ изъ Црѧграда ⁷ Костѧнтинъ . и приӕтъ ⁸ ѥго кнѧзь с честью и людьє ⁹ вси . на ту же зиму иде ¹⁰ єп^с̑пъ Нестеръ в Русь ¹¹. и лишиша и ¹² єп^с̑пьи . Тоє же ¹³ зимъı иде ¹⁴ Геѡрги Володимеричь . к Володимеру на Мстислава . на ¹⁵ Изѧславича . поима ¹⁶ зѧтѧ своѥго Володимерковича . и з дѣтми своими . идущи^м̑ же ¹⁷ имъ к городу со множьство[мъ] ^А вои . Мстислав же видѣвъ множьство вои . и ¹² не возмогъ противитисѧ имъ затворисѧ ¹⁸ в городѣ . и /л.116об./ нача битисѧ с ними из города . ѡнѣм же обьсѣкшимъ ¹⁹ и ¹² в городѣ . многъı ²⁰ крови проливахутьсѧ межи ими . друзии же оуӕзвлѧѥми ²¹ оумираху . Геѡргии же видѧ ѥго непокорьство к собѣ . сжалїси ²² ѡ погъıбели людьстѣи . нача молвити и ¹² дѣте^м̑ своимъ . и болѧро^м̑ своимъ ²³ не можемъ стоӕти сдѣ . зане ѡнъ мнии ²⁴ буда ²⁵ не покоритъ ми сѧ . а ӕзъ ²⁶ не радуюсѧ погибели ѥго . ни прогн^аныо ѥго . но реко^х̑ введу и ²⁷ въ хр^с̑тноє цѣлованьє . акоже ²⁸ и ²⁹ бра^т̑ю ѥго . ѡн же не всхотѣ того . но паче радуѥтсѧ ѡ пролитьи крови . Геѡргии же здумавъ ³⁰ з лѣтми своими . и с мужьми ³¹ своими . и ²⁹ възвратисѧ ³² в Къıєвъ . а зѧть ѥго иде в Галичь . в волость свою ❙

В лѣ^т̑ . ҂s҃ . х҃ . ѯ҃е . [1157] Въıгнаша Новгородци Мстислава ^Б Гюргевича ³³. а Ростиславича посадиша . Ст҃осл^ава . Того^ж̑ лѣ^{т̑ 34}. престависѧ блг҃овѣрнъıи кнѧзь Гюрьги ³⁵ Володимеричь в Къıєвѣ . м^с̑ца . маӕ . въ . еı҃ . дн҃ь ^{36 В}. и положиша и ¹² в цр҃кви оу ³⁷ | Сп҃са ста^г̑ на Берестовѣмь . Того же лѣ^{т̑ 38}. Ростовци и ³⁹ Суждалци . здумавше вси . поӕша Аньдрѣӕ сн҃а ѥго старѣишаго ⁴⁰. и посадиша и ¹² в Ростовѣ на ѡтни ⁴¹ столѣ . и Суждали . занеже бѣ любимъ всѣми . за премногую ѥго добродѣтель ⁴². юже имѧше ⁴³ преже к Бу҃ . и ко всѣ^м̑ сущи^м̑ под нимъ . тѣмже и по см҃рти ѡц҃а своѥго велику памѧ^т̑ створи . цр҃кви оукраси . и ¹² манастъıрѧ ⁴⁴ постави . и цр҃квь сконча ⁴⁵ юже бѣ заложилъ преже ѡц҃ь ѥго . ста^г̑ Сп҃са камену [в Переӕславли новѣ^м̑] ^Г ❙

В лѣ^т̑ . ҂s҃ . х҃ . ѯ҃s ❙— [1158] Заложи ⁴⁶ Андрѣи кнѧзь в ⁴⁷ Володимери цр҃квь камену ст҃ую Бц҃ю . м^с̑цѧ . априлѧ . въ . и҃ . ⁴⁸ в дн҃ь ст҃аго ап^с̑ла Родиѡна . во вторни^{к̑ 49}. и да єи ⁵⁰ много ⁵¹ имѣньӕ . и ¹² свободъı купленъıӕ ⁵². и з даньми . и села лѣпшаӕ . и десѧтинъı ⁵³ встадѣхъ своихъ . и торгъ . десѧтъıи . и городъ заложи болии ⁵⁴. Том же лѣ^т̑ . приде Леѡнъ на єп^с̑пью . Ростову ⁵⁵. На ту же зиму . въıгна Изѧслава Двд҃вича ис Къıєва . Мстиславъ Изѧславичь . а са^м̑ сѣде Къıєвѣ ⁵⁶. а Изѧславъ бѣжа в Го/л.117/мъи ⁵⁷. и ¹² ѿтолѣ прогнаша и в Вѧтичѣ . Тоє же веснъı вда ⁵⁸ Мьстиславъ Ростиславу Къıѥвъ подъ собою . а са^м̑ иде Володимерю ⁵⁹ ❙

В лѣ^т̑ . ҂s҃ . х҃ . ѯ҃з . [1159] Престависѧ Борисъ кнѧзь Гюргевичь . м^с̑цѧ ¹. маӕ . въ . в҃ . дн҃ь ^{2 А}. И положиша ³ и ⁴ бра^т̑ӕ оу ст҃ою ⁵ мчн҃ку . юже бѣ создалъ ѡц҃ь ^Б ѥго Гюрги ⁶. на Нерли . идеже бѣ ⁷ становище ст҃ою мчн҃ку ⁸ Бориса и Глѣба ⁹. Того^ж̑ лѣ^т̑ . въıгнаша Ростовци . и Суждальци . Леѡна єп^с̑па . зане оумн^ожилъ бѧше цр҃квь грабѧи ¹⁰ попъı . В то же лѣ^т̑ . преставис^ѧ митрополитъ Къıєвьскъıи . Костѧнтинъ Черниговѣ ¹¹. бѣ бо в то времѧ въıбѣглъ ис Къıѥва . Мстислава [дѣлѧ] ^В Изѧславича . бъı^с̑ же и см҃рть ѥго сица . ӕко үмираючи ¹² єму ^Г призва к собѣ єп^с̑па Черниговьского . Антоньӕ . заклѧтъ и гл҃ѧ сице . ӕко по үмерьтвии ^Д моє^м̑ не погребешь тѣла моѥго ¹³. но үжемь поверзше за нозѣ мои . извлечѣте ¹⁴ мѧ из града . и поверзѣте мѧ псомъ . на расхъıтаньє ¹⁵. по оумертвии же ѥго єп^с̑пъ то все створи ^{16 Д} повелѣнаӕ ѥму ^Г имь . | народи же вси дивишасѧ ¹⁷ ѡ см҃рти ѥго . на оутрии же дн҃ь Ст҃ославъ кнѧзь . здумавъ ¹⁸ с мужи ¹⁹ своими . и съ єп^с̑помь . вземше ²⁰ тѣло ѥго и ²¹ похорониша ²² в цр҃кви оу ста^г̑ Сп҃са Черниговѣ . В то же лѣ^{т̑ 23}. приде Изѧславъ Двд҃вчь . со множьство[мъ] ^Е Половець к Чернигову . Ст҃ослава же ѡба Ѡлговичь ². и Всеволодичь . и Рюрикъ Ростиславичь . бѣ бо в то времѧ пришла к ни^м̑ помочь ѿ ѡц҃а ²⁵ и бишасѧ с ни^м̑ ѡ Десну . Изѧславу же ²⁶ стоѧщю ²⁷ с Половци . и ²¹ велику пакость створиша . села пожгоша . люди ²⁸ повоєваша . Ст҃ослава же ѡба посласта к Ростиславу . помощи просѧ ²⁹ оу него єще . Ростислав же пусти к ни^{м̑ 30} Ӕрослава Изѧславича . и Володимера Андрѣєвича . и Галичьскую помочь . Изѧслав же ³¹ слъıша ³² [и По^л̑вци] ^Ж ѿступиша ³³ с Половци ³⁴ в поле . си же пришедше ^ине ѡбрѣтше ѥго ³⁵ бродишасѧ по не^м̑ за Десну . Ст҃ослава ѡба . и Рюрикъ . и ѿшедше мало за днище и не ѡбрѣтше ѥго воротишасѧ ³⁰ кождо в своӕ си . Изѧслав же ѿступисѧ ³⁷ /л.117об./ в поле . а По^ловци идоша домовь ³⁸. Тоє же зимъı приде Изѧславъ с ³⁹ Половци . и повоєва волость Смолиньскую . и пославъ ко Андрѣєви ⁴⁰ к Гюргевичю Ростову . и проси ⁴¹ оу него дщери ⁴² за своѥго съıновца . за Ст҃ослава . и испроси оу него помочь . и посла к нему сн҃а своѥго Изѧслава со всѣ^м̑ полкомъ . и Муромьскаӕ помочь с нимь ⁴³. зане пришли бѧхуть ⁴⁴ Русскии кнѧзи . на Ст҃ослава на Володимерича . и ѡступили и бѧхуть ⁴⁵ во Въсчижи . ѡн же бьӕшетьсѧ с ними из города . ѡжидаӕ помочи ѿ Изѧслава ѿ стръıӕ своѥго . и ѿ тести ⁴⁶ своѥго ѿ ⁴⁷ Андрѣӕ . Ст҃ослава же ѡба Ѡлговичь . и Всеволодичь . и ини кнѧзи ⁴⁸ слъıшавше идуща Изѧслава Андрѣєвича . с ³⁹ силою Ростовьскою . оубоӕвшесѧ давше ⁴² ѥму ^Г миръ . възвратишасѧ ѡпѧть . Изѧсл^ав же Двд҃вчь . и Изѧславъ Андрѣєвичь . слъıшаша ⁵⁰ възвратившесѧ ⁵¹ ихъ . и ²¹ иде Изѧславъ и Вѧтичѣ . а Ѡндрѣєвичь Изѧславъ . воротисѧ къ ѡц҃ю своѥму Ростову ⁵².

В лѣ^т̑ . ҂s҃ . х҃ . ѯ҃и . [1160] Прислаша|сѧ ¹ Новгородци . к Андрѣєви къ Гюргевичю . просѧще ² оу него сн҃а кнѧжити Новугороду ³. а Ростиславича Ст҃ослава въıгнаша . зане бѣ Ростиславъ ѡц҃ь ѥго изморилъ бра^т̑ю ихъ в погребѣ . и ⁴ многъı^х̑ имѣньѥ взѧлъ . Андрѣи же кнѧзь поча даӕти имъ Мстислава брата своѥго . ѡни же ѥго не всхотѣша . и посла к ни^{м̑ 5} сн҃овцѧ своѥго Мстислава . Ростиславича . Того же лѣ^{т̑ 6}. создана ⁷ бъı^с̑ цр҃къı ст҃аӕ Бц҃а ⁸ в Володимери блг҃овѣрнъıмъ . и бо҃любивъıмъ ⁹ кнѧзе^м̑ Андрѣємъ . и оукраси ю дивно многоразличнъıми иконами . и кдрагимъ ¹⁰ каменьє бе-щисла ¹¹. и ссудъı ¹² цр҃квнъıми . и верхъ єӕ послати ¹³. по вѣрѣ же ѥго . и по тщанью ѥго ¹⁴ к ст҃ѣи Бц҃ѣ . поиведе ѥму Бъ҃ изъ всѣ^{х̑ 15} земль всѣ ¹⁶ мастеръı . и оукраси ю паче инѣхъ цр҃квии . Того^ж̑ лѣ^{т̑ 6} погорѣ Ростовъ . и цр҃кви всѣ . и сборнаӕ . дивнаӕ и ¹⁷ великаӕ цр҃къı ¹⁸. ст҃оѣ Бц҃ѣ ⁸ [сгорѣ] ^А. и ӕко же ¹⁹ не бъıло ни будеть ❙

В лѣ^т̑ . ҂s҃ . х҃ .ѯ҃ѳ . [1161] Почата бъı^с̑ писати ²⁰ цр҃къı в Володимери ²¹ Золотоверхаӕ . а конча/л.118/на ²² августа въ ²³ . л҃ .

В лѣ^т̑ . ҂s҃ . х҃ . о҃. ²⁴ [1162]

В лѣ . ҂s҃ . х҃ . о҃ . а҃ . ²⁵ [1163]

В лѣ^т̑ . ҂s҃ . х҃ . о҃ . в҃. [1164] Свѧщена бъı^с̑ цр҃къı на Злотъı воротѣхъ Володимери ²⁶. В то^ж̑ лѣ^т̑ . заложена бъı^с̑ цр҃къı Сп҃са Ста^г̑ в Володимери . В то же лѣ^т̑ вста єресь Леѡнтианьскаӕ ²⁷. скажемъ вмалѣ . Леѡнъ єп^с̑пъ ²⁸. не по правдѣ постависѧ ²⁹ Суждалю ³⁰. Нестеру п^с̑пу ³¹ Сужьдальскому ³² живущю ³³. перехвативъ Нестеровъ столъ . поча Суждали ³⁴ оучити не ѣсти ³⁵ мѧсъ . ³⁶ въ Г^с̑дьскъıӕ праздни[къı] ^Б в средъı и в пѧткъı ³⁷. ни на Рожьство ^В Г^с̑не . ни на Крщ҃ньє . и бъı^с̑ тѧжа про то велико ³⁸. пре^д̑ блг҃овѣрнъı^м̑ кнѧзе^м̑ Андрѣѥ^м̑ . [и] ^Г предо всѣми людми . и оупрѣ ^Д ѥго вл^д̑ка Феѡдоръ . ѡн же ³⁹ не ⁴⁰ иде на исправленьє Ц^с̑рюгороду ⁴¹. а тамо оупрѣлъ и Анъдриӕнъ єп^с̑пъ ⁴². Болгарьскъıи . передъ ц^с̑рмь ⁴³ Мануило^м̑ . стоѧщю ц^с̑рю ⁴⁴ товаръı надъ рѣкою . Леѡну ⁴⁵ молвѧщю н^а ц^с̑рѧ ⁴⁶. оудариша ⁴⁷ слугъı ц^с̑рвъı ⁴⁸ Леѡна за шью ⁴⁹. и хотѣша и ¹⁷ въ рѣцѣ оутопити . сущи^{м̑ 50} ту оу ц^с̑рѧ ⁴⁶ всѣмъ сломъ . Къıѥвьскъıи ⁵¹ солъ . и ¹⁷ Суждальскъıи [солъ] ^Е Ильӕ . и Переӕславьскъıи . | и Черниговьскъıи . се же сказахо^м̑ вѣрнъı^х̑ дѣлѧ людии да не блазнѧтсѧ ѡ праздницѣхъ Бж҃ьихъ . В то же лѣ^т̑ . иде кнѧзь ⁵² Андрѣи на Болгаръı . с съıномъ своимъ Изѧславо^м̑ и с брато^м̑ своимъ Ӕрославо^м̑ . и с Муромьскъı^м̑ кнѧзе^м̑ Гюргемъ . и поможе имъ Бъ҃ и ст҃аӕ Бц҃а на ⁵³ Болгаръı . самѣ^х̑ исѣкоша множьство . а стѧгъı ихъ поимаша . и ⁵⁴ ѡдва в малѣ дружинѣ ⁵⁵ оутече кнѧзь Болгарьскъıи . до Великаго города . кнѧзь же Ѡндрѣи воротисѧ с побѣдою . видѣвъ ⁵⁶ поганъıӕ Болгаръı избитъı . а свою дружину всю сдраву . стоӕху же пѣши ⁵⁷ съ ст҃ою Бц҃ею на полчищѣ подъ стѧгъı . и приѣхавъ ⁵⁸ до ст҃оє ⁵⁹ Бц҃и

[и до пѣшець] ^А кнѧзь Андрѣи . с ¹ Гюргемъ . и ² со Изѧславо^м̑ . и съ ³ Ӕрославо^м̑ . и со всею дружиною . оудариша чело^{м̑ 4} передъ ст҃ою Бц҃ею . [и почаша целовати ст҃оу Бц҃ю] ^Б с радостью великою и со слезами . хвалъı и ⁵ пѣсни въздавающе єи ⁶. и шедше взѧша гра^д̑ ихъ славнъıи . Брѧхимовъ . а переди ⁷ . г҃ . городъı ^ихъ пожгоша . се же бъı^с̑ чюдо новоє ст҃оє Бц҃и Во/л.118об./лодимер[с]коє ^{8 В}. юже взѧлъ бѧше с ⁹ собою . блг҃овѣрнъıи кнѧзь Андрѣи . и принесъ ю ¹⁰ с славою. [и] ^Г постави ю въ ст҃ѣи Бц҃ѣ Володимери ¹¹. в Золотоверсѣи . идѣже стоить и до сего дн҃е ❙

В лѣ^т̑ . ҂s҃ . х҃ . о҃. г҃ . [1165] Престависѧ блговѣрнъıи и хр^с̑толюбивъıи кнѧзь Изѧславъ . сн҃ъ блг҃овѣрнаго кнѧзѧ Андрѣӕ . и положиша и в цр҃ьви ст҃оє ¹² Бц҃и Володимери . м^с̑цѧ . ѡктѧмьбрѧ . въ . к҃и . дн҃ь ¹³ ❙—

В лѣ^т̑ . s҃ . х҃ . о҃ . д҃ . [1166] Престависѧ блг҃овѣрнъıи . и хр^с̑толюбивъıи . кнѧзь Ӕрославъ . сн҃ъ блг҃овѣрнаго кнѧзѧ Геѡргиӕ . и положиша и оу ¹⁴ церкви ст҃ъıӕ ¹⁵ Бц҃и Володимери . м^с̑цѧ априлѧ . въ . вı҃ . ¹⁶ дн҃ь ^Д. Тоє же зимъı иде Мстиславъ . за Волокъ ¹⁷ ❙

В лѣ^т̑ . ҂s҃ . х҃ . о҃ . е҃ . [1167] Престависѧ блг҃овѣрнъıи ^Е. кнѧзь Ростиславъ . сн҃ъ Мстиславль . ида и-Смолиньска г ¹⁸ Къıєву . кнѧжи в Києвѣ . ѳ҃ . лѣ^т̑ . м^с̑цѧ . марта . въ ¹⁹ . к҃а . дн҃ь . и везоша и г Ки[є]ву ^Ж ❙

В лѣ^т̑ . ҂s҃ . х҃ . о҃ . s҃ . [1168] Въıгна Мстиславъ . Володимера Мстиславича ис Къıєва . и иде в Половци Володи|меръ . а са^м̑ сѣде в Къıєвѣ . Тоє же зимъı посла кнѧзь Андрѣи и-Суждалѧ ²⁰. сн҃а своѥго Мстислава ^З. на Къıєвьскаго кнѧзѧ Мстислава . с Ростовци . и Володимерци . и ²¹ Суждалци . и инѣхъ кнѧзии . аı҃ . Глѣбъ Переӕславьскъıи . Романъ . Смолиньскъıи . Дв҃дъ Въıшегородьскъıи . Володимеръ Анъдрѣєвичь . Дмитръ ²². и Гюрги ²³ Мстиславъ ²⁴. Рюрикъ . с брато^м̑ съ ³ Мстиславомъ ²⁵. Ѡлегъ Ст҃ославичь с брато^м̑ со Игоремъ . Изѧславичь же Мстиславъ . затворисѧ в Къıєвѣ городѣ ²⁶. и бьѧхутьсѧ ²⁷ [крѣпко] ^И с ²⁸ города . и стоӕша оу города . г҃ . дн҃и . и поможе Бъ҃ . и ст҃аӕ Бц҃а . и ѡтнѧ и дѣднѧ мл҃тва . кнѧзю Мстиславу Андрѣєвичю . с братьєю своєю ²⁹ взѧша ³⁰ Къıєвъ . ѥго^{ж̑ 31} не бъıло ³² никогдаже . а Мстиславъ ^З Изѧславичь бѣжа с брато^м̑ ис Къıєва Володимерю . с малою дружиною ³³. а кнѧгъıню ѥго ӕша ³⁴. и сн҃а ѥго и дружину ѥго изъимаша ³⁵. и весь Къıѥвъ пограбиша . и церкви . и манастъıрѣ . за . г҃ . дн҃и . и иконъı поимаша . и книгъı . и ризъı . се же здѣӕсѧ ³⁶ за грѣхъı /л.119/ ихъ . паче же за митрополичю неправду ³⁷. в то бо времѧ запрѣтилъ бѣ Поликарпа игумена Печерьского . про Г^с̑дьскъıѣ праздникъı . не велѧ ѥму ^І ѣсти ^{38 З} масла ни молока . въ средъı ³⁹. и в пѧткъı . въ Г^с̑дьскъıѣ празьдникъı . помагашеть же ѥму и Черниговьскъıи єп^с̑пъ . Антонии ^В. и кнѧзю Черниговьскому ^І. многаждъı бранѧшеть ⁴⁰ ѣсти ³⁸ мѧсъ ⁴¹. въ Г^с̑дьскъıѣ праздьникъı . кнѧзю же Ст҃ославу и ⁴² не хотѧщю ѥму ⁴³ изверже и изъ

єп^с̑пьи . да внимаѥмъ мъı ¹ собѣ кто жо ² на^с̑ . и не противи^м̑сѧ Бь҃ю закону . мъı же на пре^д̑лежащеѥ възврати^м̑сѧ . Мстисл^ав же Андрѣєвичь . посади Къıєвѣ ³ стръıӕ своѥго Глѣба . а са^м̑ възвратисѧ Володимерю ⁴ с дружиною своѥю ❙—

Назад    Оглавление    Вперёд