Шрифт

Двойной щелчок левой кнопкой мыши в любом месте изображения
показывает/скрывает комментарии и примечания к тексту.

Назад    Оглавление    Вперёд

// Се же соуть ¹ имена кнѧземъ Києвьскы^м . кнѧживши^м . в Києвѣ . до избитьѧ Батыєва . в поганьствѣ боудоущии^{м 2} ❥

Первѣє ³ начѧста ⁴ кнѧжити в Києвѣ . Дирдъ ⁵ . и Асколдъ . одино ⁶ кнѧженїє . А по нею ⁷ Ѡлегъ . А по Ѡльзѣ Игорь. А по Игорѣ Ст҃осла^в̑ ❥ А по Свѧтославѣ . Ӕрополкъ . А по Ӕрополцѣ . Володимеръ . иже кнѧжи в Києвѣ . иже ⁸ просвѣти землю Роускоую ст҃ымъ крещенїємъ ❥ По ⁹ Володимерѣ же начѧ кнѧжити . Ст҃ополкъ . А по Ст҃ополцѣ Ӕросла^в̑. А по Ӕрославѣ . Изѧсла^в̑ . А по Изѧславѣ . Ст҃ополкъ . А по Ст҃ополцѣ . Всеволо^д . А по немъ Володимеръ Манома^{х̑ 10}. А по немъ . Мьстисла^в̑ . А по Мьстиславѣ . Ӕрополкъ. А по Ӕрополцѣ . Всеволо^д . А по не^м Изѧсла^{в̑ 11} . А по Изѧславѣ . Ростисла^в̑ . А по не^{м 12} . Юрьи . А по Юрьи . Изѧсла^в̑ . А по Изѧславѣ . Ростисла^в̑. А по не^{м 13}. Мьстисла^в̑. А по не^{м 14}. Глѣбъ . А по немъ ¹⁵. Володимиръ . А по не^{м 16} . Романъ . А по Романѣ . Ст҃осла^в̑ . А по не^{м 17}. Рюрикъ . /л.2.об./ А по Рюрицѣ . Рома^н̑ . А по Романѣ . Мьстиславъ. А по немъ ¹⁸. Ӕросла^в̑ . А по Ӕрославѣ . Володимиръ . Рюрикови^ч̑ . Данило посади его . в себе мѣсто в Києвѣ . По Володимирѣ же . по^д Даниловы^м намѣстнико^{м 19} . по^д Дмитромъ . взѧша Батыи ²⁰. Києвъ ❙/л.3/

^Б Лѣ^т̑писе^{ч̑ В} Рускии . съ Бм҃ъ починаємь . ѡч҃е ²¹ блг^с̑в ^{21 Е} ❙

Повѣсть ²² временныхъ лѣ^т̑ . черноризца ²³ Федосьєва манастырѧ Печерьскаго . ѿкуду єсть пошла Рускаӕ землѧ стала ²¹ єсть ²¹ . и ^Г хто в неи почалъ пѣрвѣє ²⁴ кнѧжи^{т̑ 25} ❙

се начнемь повѣсть сию . по потопѣ бо ²⁶ . г҃ . є . сн҃ве Ноєви роздѣлиша земьлю . Симъ . Хамъ ²⁷. Афетъ ²⁷. ӕсѧ въстокъ . Симови . Перьсида . Ватрь . доже ²⁸ и до Инъдикиӕ . в долготу и в ²¹ широту. и до Нирокуриа ^{27 Д}. ӕко же рещи ѿ въстока доже ²¹ и до полудньӕ ²⁹ . и

Суриӕ . и Мидиа . и Єфратъ рѣку ¹ . и Вавилонъ . Кордуна . Асурианѣ ² . Месоп^о̑тамиа . Аравиа Старѣишаӕ . Єлумаисъ . Индиѧ . Аравиа ^А Силнаӕ . Кулии . Колгини ³ . Финикиӕ всѧ ❙ Хамови же ӕсѧ ^Б полуденьӕ ⁴ часть. Єгупетъ . Єфиѡпьӕ прилежащиӕ къ Индомъ . другаӕ же Єфиѡпьӕ. из неӕже исходить рѣка Єфиѡпьскаа чермьна . текущиӕ на въстокъ . Фива Луви прилежащи . доже ⁵ до Куриниӕ . Мармариа . Суритѣ ⁶ . Ливуи . другаӕ Нумидиӕ . Масуриӕ . Мавританиӕ . противу сущи . Гадирѣ . сущиїмъ же ⁷ къ встоко^м̑ . имать Киликию . Памфилию . Писидию . Мосию . Лукаѡнию . Фругию . Камалию . Ликию . Карию . Лудию . Масию . другую Тр^о̑аду . Солиду . Вифунию . Старую Фругию . и ѡстровы пакы имать . Сарданию . Крїтъ . Купръ . и рѣку. Гиѡну ⁸ . зовемую . Нилу ❙ а ^{9 В} Афетови ^{10 Г} же ӕсѧ полунощнаӕВперёд. и западнаӕ Мидиӕ. Ѡлъваниӕ . Армениӕ Малаӕ . и Великая Каподокиӕ . Фефлагони . Галатиӕ . Кольхысъ. Воспории . Меѡти Дереви . Сармати . Тавриани . Скуфиӕ . Фраци . Македониӕ . Далматиӕ . Молоси . Фесалиӕ . Локриӕ . Пелениӕ . ӕже и Полопонисъ ^К наре^ч̑тсѧ . Аркадиӕ . Ипириноӕ ^Д. Илурикъ . Словене . Лухитиӕ . Аньдриакиӕ . Аньдриатиньска пучина . имать же и ѡстровы . Вританию . Си/л.3об./келию. Євию . Родона ^Е. Хиѡна . Лѣзвона . Куфирана . Закуньфа . Кефалиниӕ . Ифакину ¹¹. Керкуру ¹² . и часть всѧкоӕ страны ¹³ . и нарицаюмую Ѡнию . и рѣку Тигру . текущюю межи Мидъı и Вавıлономъ . до Понетьского ¹⁴ морѧ. на полунощныӕ стр^а̑ны . Дунаи Днепръ ^Ж . и Кавькасиискыӕ горы . рекше Оугорьскыӕ . и ¹⁵ ѿтуда рекше ¹⁵ доже и ¹⁶ до Днепра . и прочааӕ рѣкы . Десна . Припеть . Двина . Волховъ . Волга . иже идеть на въстокъ . въ часть Симову ❙ Въ Афетовї же части сѣдить Русь . Чюдь . и вси ӕзыцѣ Мерѧ Мурома. Всь ¹⁷. Мордва . Заволочьскаӕ ^З Чюдь . Пермь . Печера . Ӕмь . Югра . Литва . Зимигола . Корсь . Сѣтьгола . Либь . Лѧховѣ же и Пруси ¹⁸. и Чюдь . присѣдѧть к морю Вѧрѧскому ^К. по сему же морю сѣдѧть Варѧзи сѣмо къ вьстоку . до предѣла Симова . по тому же морю сѣдѧть къ западу . до земли Агарѧньски и ¹⁹ до ¹⁵ Воло^с̑шькыє ²⁰.

Афетово же ²¹ колѣно и то Варѧзи . Свеи . Оурманє . Готѣ ²² . Русь . Аглѧнѣ . Галичанѣ . Волохове . Римлѧнѣ . Нѣмци . Корлѧзи . Венедици . Фрѧговѣ . и прочии присѣдѧть ѿ запада къ полуденью ²³ . и съсѣдѧтсѧ съ племене^{м̑ 24} Хамовомъ . Симъ же . и Хамъ ²³ . и Афетъ . раздѣливше землю . и жребии метавше . не переступати ²⁵ никому же въ жребии братень ²⁶ . и живѧху кождо въ своєи части . и бы^с̑ ӕзыкъ єдинъ . и оумноживши(вши)мсѧ ^{23 И} чл҃вко^м̑ на земли . и помыслиша создати столпъ до н҃бси . въ дн҃и Нектана . и Фалека . и ²⁷ събравшесѧ на мѣстѣ Сенарьполе . здати сти ^{28 Л} столпъ до н҃бсе и городъ ѡколо єго Вавилонъ . и здаша столпъ . за . м҃ . лѣ^т̑ . и не свѣршенъ бы^с̑ . и сниде Г^с̑ь Бъ҃ видѣть горо^д̑ и столпа . и ре^ч̑ Г^с̑ь се родъ єдинъ . и ӕзыкъ єдинъ . и смѣси Бъ҃ ӕзыкы. и раздѣли на . о҃ . и на два ӕзыка . и рассѣӕ по всеи земл^и̑ . по размѣшеньи же ӕзыкъ. Бъ҃ вѣтромъ великомъ раздруши столпъ . и єсть ѡстанокъ єго межи /л.4/Асура . и Вавилона . и єсть въ высоту . и въ шириню ²⁹ . лакотъ ^І . ҂е҃ . у҃ . л҃ . г҃ . локо^тъ ³⁰ ❥ Въ ³⁰ лѣта многа хранимъ ѡстанокъ ³¹ . по раздрушеніи же столпа и по раздѣлении ӕзыкъ . приӕша

сн҃ве Симовы въстосточныӕ ^А страны а Хамовъı же ¹ сн^о̑ве полоу...нъıӕ ² странъı ^Б Афетови же сн҃ве западъ приӕша . и полунощьныӕ ³ страны . ѿ сихъ ж^є̑ . о҃ . и дву ӕзыку . бы^с̑ ӕзыкъ Словенескъ . ѿ племени же Афетова . нарѣцаємѣи Норци . иже суть Словенѣ . по мнозѣхъ же временѣхъ . сѣлѣ суть Словени . по Дунаєви . кде єсть ннѣ Оугорьскаӕ землѧ . и Болгарьскаӕ. ѿ тѣхъ Словенъ . разидошашасѧ ^В по земьли . и прозвашасѧ имены своими . кде сѣдше . на которомъ мѣстѣ . ӕко ⁴ пришедше сѣдоша . на рѣцѣ именемъ Мор^а̑вѣ ⁵ . и прозвашасѧ Морава . а друзии Чесѣ нарекошасѧ ⁶ а се ти же Словѣне ^Г . Хорвати Бѣлии . Серпь ⁷ . и Хутанѣ ⁸. Волохомъ бо нашедши^м̑ на Словены . на Дунаискыє . и сѣдшимъ в нихъ . и насилѧющимъ ⁹ имъ . Словѣне же ѡви ¹⁰ пришєдшє и сѣдоша ¹¹ . на Вислѣ . и прозвашасѧ Лѧховѣ . а ѿ тѣхъ Лѧховъ ¹² прозвашасѧ Полѧне Лѧховѣ . друзии Лютицѣ ^{13 Д} . инии Мазовшане . а нии ¹⁴ Поморѧне . тако же и тѣ же ¹⁵ Словѣне . пришедше сѣдоша по Днепру . и наркошасѧ ¹⁶ Полѧне . а друзии Деревлѧне . зане сѣдоша в лѣсѣхъ . а друзии сѣдоша межи Припѣтью и Двиною . и наркоша^{с̑ 17} Дреговичи ¹⁸. и ¹⁹ инии сѣдоша на Двинѣ . и нарекошасѧ Полочане . рѣчькы ра^д̑ . ӕже втечеть ²⁰ въ Двину . именемь Полота . ѿ сеӕ прозваша^с̑ Полочанѣ . Словѣне же сѣд^о̑ша ѡколо ѡзера Илмера ²¹ . и прозвашасѧ своимъ именемъ . и сдѣлаша городъ . и нарекоша и Новъгородъ . а друзии же сѣдоша на Деснѣ . и по Семи и по Сулѣ . и наркошасѧ Сѣверо ^{22 Е}. и тако разидесѧ Словенескъ ӕзыкъ . тѣмь же и прозвасѧ Словеньскаӕ грамота ❙ Полѧномъ же живущи^м̑ ѡсо^б̑. /л.4об./ по горамъ симъ. и бѣ путь из Варѧгъ въ Грѣкы . и изъ Грѣкъ по Днепру . и вѣрхъ Днѣпра волокъ до Ловоти ²³. и по Ловоти ²⁴ внити въ Илмерь ^Ж ѡзеро великоє . из негоже ѡзера. потечеть ²⁵ Волховъ . и втечеть въ ѡзеро ²⁶ великоє Нево . и того ѡзера вниде^т̑ оустьє ²⁷ в море Варѧскоє . и по тому морю внити доже ²⁸ и до Рима . а ѿ Рима прити по тому же морю . къ Ц^с̑рюграду . и ѿ Царѧгра^д̑ прити в Понтъ море . в неже втече^{т̑ 25} Днѣпръ рѣка . Днѣпръ бо течеть изъ Воковьского ²⁹ лѣса . и потечеть на полудн҃и . а Двина изъ того же лѣса потече^т̑ . и идеть на полуночьє . и вниде^{т̑ 30} в море Вар^ѧ̑скоє . ис того же лѣса потечеть Волга . на въсток^ъ̑ . и вътече^т̑ седьмьюдесѧтъ жерелъ ³¹ . в море Хвалıискоє ³². тѣмь же из Русı можеть ити по Волзѣ . в Болгары . и въ Хвалисы . и на въстокъ доити въ ж^є̑ребии Симовъ . а по Двинѣ въ Варѧгы . а изъ Варѧгъ и до Рима . ѿ Рим^а̑ же и до племени Хамова а Днепръ втече^т̑ в Понтескоє море . треми жералы ^І . иже море словеть Рускоє . по нему же оучилъ ст҃ыи ап҃лъ ^{33 З} Андрѣи братъ Петровъ ❙ Ӕкоже ркоша . Андрѣю оучащю в Синонопии ³⁴. пришедшю єму в Корсунь . оувидѣ ³⁵ ӕко ис Коръсунѧ близъ оустьє Дьнѣпръскоє . и въсхотѣ поити в Римъ . и ³⁶ приде въ оустьє Днепръскоє и ѿтолѣ поиде ³⁷ по Днѣпру горѣ . и по приключаю ^И . приде и ста подъ горами на березѣ . и заоутра въставъ рече к сущимъ с нимъ оученикомъ . видите ³⁸ горы сиӕ . ӕко на сихъ горахъ въсиӕєть блг^д̑ть Бж҃иӕ . имать и ³⁹ городъ великъ быти . и цр҃кви мьногы има^т̑ Бъ҃ въздвигнути . и въшедъ на горы сиа и блг^с̑ви ӕ . и постави кр^с̑тъ . и помолився Бу҃ . и слѣзе ⁴⁰ съ

горы сеӕ . идеже послѣже бы^с̑ Києвъ . и поиде по Днѣпру горѣ . /л.5/ и приде въ Словены . идеже ннѣ Новъгоро^д . и видѣвъ ¹ люди ту сущаӕ . какъ ² ихъ обычаи и к^а̑ко ³ сѧ мыють . и хвощютсѧ и оудивисѧ имъ . и иде въ Варѧгы . и приде в Римъ . исповѣда єлико наоучи . и єлико видѣ . и ре^ч̑ имъ дивно видѣхъ землю Словеньску . идущю ми сѣмо . видѣхъ банѣ древѧны . и пережьгуть ӕ велми . и съвлекутсѧ ⁴ и будуть нази . и ѡбольютсѧ ⁵ мытелью . и возмуть вѣникъı . и начнуть хвостати^с̑ . и того собѣ добью^{т̑ 6} ѡдва вылѣзуть ле ⁷ живы . и обольютсѧ ⁸ водою студеною . и тако ⁹ ѡживу^т̑ . и тако творѧть по всѧ дн҃и . не мучими никымже . но сами сѧ мучать . и творѧ^т̑ не мытву себѣ а ¹⁰ не ¹¹ мученьє . и се слышавше дивлѧхусѧ . Андрѣи же бывъ в Римѣ . приде въ Синопию ¹² . Полѧномъ же живущии^м̑ ѡ собѣ ¹³ . и вл^а̑дѣющимъ ¹⁴ роды свои^м̑ . ӕже и до сеӕ бр^т̑аӕ бѧху Полѧне . и живѧху кождо ¹⁵ съ родо^м̑ своимъ . на своихъ мѣстехъ . володѣюще ¹⁴ кождо ¹⁵ родомъ своимъ ❙

И быша . г҃ . брата ¹⁶ . а ^{11 А} єдиному имѧ Кии . а другому Щекъ . а третьєму Хоривъ . и сестра ихъ Лыбѣдь ¹⁷ . и сѣдѧше Кии на горѣ кдѣ ¹⁸ н҃нѣ оувозъ Боричевъ . а Щекъ сѣдѧше на горѣ . кдѣ ннѣ зоветсѧ Щековица . а Хоривъ на третьєи горѣ . ѿнюдүже прозвасѧ Хоривıца . створиша городокъ . во имѧ брата ихъ старѣишаго . и наркоша ¹⁹ и Києвъ . и бѧше ѡколо города лѣсъ и боръ великъ . и бѧху ²⁰ ловѧще ²¹ звѣрь . ^{22 Б} бѧхуть ²³ бо мудрѣ и смыслени. и нарицихусѧ ^{24 В} Полѧне . ѿ нихъ же суть Полѧне . Киӕне ²⁵ и до сего дн҃и . инии же не вѣдуще ²⁶ ркош^{а̑ 27} . ӕко Кии єсть перевозникъ бъı^{с̑ 28} . оу Києва бо ²⁹ перевозъ бѧше тогда ³⁰ съ ѡноӕ страны Днепра . тѣмь гл҃аху на ³¹ перевозъ на Києвъ. аще бо былъ ³² перевозникъ Кыи ³³. то не бы ходилъ къ Ц^с̑рюгра^д . но сии /л.5об./ Кии кнѧжаше в роду своє^м̑ . и приходившю ему къ ц^с̑рю не свѣмы ³⁴. но токмо ѡ семъ вѣмы ӕкоже сказають . ӕко велику честь пр^и̑ӕлъ єсть ѿ ц^с̑рѧ . которого не вѣмъ . и при которо^м̑ приходи ц^с̑ри . идущю же єму ѡпѧть . приде къ Дунаєви . и възлюби мѣсто . и сруби городокъ малъ . и хотѧше сѣсти с родомъ св^о̑имъ . и не даша єму близъ живущии . єже и дон^н̑ѣ нарѣчють Дунаици . городіще Києвѣць . Києви же прішедшю въ свои городъ Києвъ . ту и сконча ^Г животъ свои . и брата єго Щекъ и Хоривъ . и сестра ихъ Лыбѣдь ту скончашасѧ ^Д ❙ И по сеи братьи почаша дѣржати родъ ихъ кнѧжениє в Полѧхъ . а въ Деревлѧхъ своє . а Дрьгович^{и̑ Д} своє . а Словѣне своє въ Новѣгородѣ . а дру^г̑є на Полотѣ . иже и Полочанѣ . ѿ сихъ же и Кривичи ^Е . иже сѣдѧть на верхъ ^Ж Волгы. и на вѣрхъ Двины . и на вѣрхъ Днѣпра . ихъ же и городъ єсть Смолѣнескъ . туда бо сѣдѧть Кривичи . таже Сѣверо ѿ ни^х̑ . на Бѣлѣ ѡзерѣ сѣдѧть Вѣсь . а на Ростовѣ ѡзерѣ Мерѧ ^З а на Клещинѣ ^И ѡзерѣ . сѣдѧть мѣрѧ же. а по Ѡцѣ рѣцѣ кде втечеть. въ Волгу ӕзыкъ свои Мурома . и Черемиси свои ӕзыкъ . и Мордва свои ӕзыкъ . се бо токмо Словѣнескъ ӕзыкъ в Русі . Полѧне Деревлѧне. Новъгородьци . Полочане . Дьрьговичи ^І . Сѣверо . Буж^а̑не . за^н̑ сѣдѧть по Бугу . послѣже не ^К Волынѧне ❙ Ї се суть инии ӕзыцѣ . иже дань даю^т̑ Руси . Чюд^ь̑ . Весь . Мерѧ . Мурома . Черемись . Мордва . Пѣрмь . Печера . Ӕмь . Литва . Зимѣгола . Корсь . Нерома ^Л . Либь . си суть свои ӕзыкъ имуще ѿ колѣна Афетова . иже живуть наВперёдхъ полунощныхъ ❙

Словеньску же ӕзыку . ӕк^о̑ же ркохо^{м̑ А} живущю на Дунаи . придоша ѿ Скуфъ . рекше ѿ Козаръ . рекомии Болгаре . и сѣдоша по Дунаєви . насилницѣ ^Б /л.6/ Словеномъ бѣша . а по семъ придоша Оугре Бѣлии . и наслѣдиша землю Словѣньскую . прогнавше Вололохы ^П . иже бѣша преже приӕлѣ землю Словеньску . си бо Оугри почаша быти . при Раклии ц^с̑ри . иже ходиша на Хоздроӕ ц^с̑рѧ Пѣрьска^г̑ ❙ В си же времена бъıша ^В и Ѡбре иже воєваша на ц^с̑рѧ Ираклиӕ . и мало єго не ӕша . си же Ѡбри воєваша на Словѣны . и примучиша Дулѣбы сущаӕ Словѣны . и насильє творѧху женамъ Дулѣбьскымъ . аще поѣхати бѧше Ѡбрину . не дадѧше въпрѧчи ^Г конѧ . ни волу . но велѧше въпрѧчи . г҃ . или . д҃ . ли . е҃ . женъ в телѣгу . и повести Ѡбрина . и тако мучаху Дулѣбы . бѧху бо Ѡбри . тѣломъ велицѣ . а оумомъ горди . и потреби ӕ Бъ҃ . и помроша вси . и не ѡста ни єдинъ Ѡбринъ . и єсть притча в Руси и де сего дн҃и . погибоша аки ^Д Ѡбри . ихъ же нѣ^с̑ ни племене ни изслѣдка . по сихъ бо придоша Печенизѣ. и пакы идоша Оугри Чернии . мимо Києвъ . послѣ же при Ѡльзѣ . Полѧномъ живущимъ ѡ собѣ ❙ Ӕкоже ркохомъ сущии ѿ рода Словѣньска . и наркошасѧ Полѧне . а Деревлѧне . ѿ Словень же и нарекошасѧ Древлѧне . Радимичи бо и Вѧтичи ѿ Ляховъ . бѧста бо два брата в Лѧсѣхъ . Радимъ . а другыи . Вѧтокъ ^Е. и пришедша сѣдоста . Радимъ на Ръжю ^Ж . и прозваша^с̑ Радимичи . а Вѧтко сѣде своимъ родомъ по Ѡцѣ . ѿ него прозвашасѧ Вѧтичи ^Г. и живѧху в мирѣ . Полѧне и Древлѧне . и Северо ^З и Радимичи . и Вѧтичи . и Хорвати . Дулѣби же живѧху по Бугу . кде ннѣ Волынѧне . а Оуличи ^И Тиверци сѣдѧху по Бугу . и по Днѣпру . и при(при)сѣдѧху къ Дунаєви . и бѣ множтво ихъ . сѣдѧху бо по Бугу . и по Днепру . ѡли до морѧ . и суть городи ихъ и до сего дне . да то сѧ зовѧху ѿ Грѣкъ Великаӕ Скуфь . имѣӕхуть бо ѡбычаӕ своӕ . и законы оц҃ь своихъ . и пре/л.6об./ даниӕ кождо своӕ норовъ . Полѧне бо своихъ ѡц҃ь ѡбычаи имѧху . тихъ и кротококъ ^П . и стыдѣньє къ снохамъ своимъ . и къ сестр^а̑мъ и къ матеремъ свои^м̑ . и снохы къ свекровамъ своимъ . и къ дѣверемъ велико стыдѣньє имущ^є̑. и брачныи обычаи имѣаху . не хожаше женихъ п^о̑ невѣсту . но привожаху вечеръ . а заоутра приношаху что на неи вдадуче . а Деревлѧни живѧху звѣрьскымъ ѡбразомъ . жівуще скотьскы . и оубиваху другъ друга . ӕдуще все неч^с̑то . и браченьӕ в нихъ не быша . но оумыкаху оу воды дв҃ца ^І. а Радимичи и Вѧтичи . и Северо . ѡдинъ ѡбыча^и̑ имѧху . живѧху в лѣсѣ ӕко же всѧкыи звѣр ^П . ӕдуще все неч^с̑то . и срамословьє в нихъ предъ оц҃и и пре^д̑ снохами . и бьраци не бываху в нихъ . но игрища межю селы . и схожахусѧ на игрищ^а̑ . на плѧсаньӕ . и на всѧ бѣсовьскыӕ пѣ^с̑ни . и ту оумыкаху жены собѣ . с неюже кто свѣщеваше^с̑ . имѧху^т̑ же по двѣ и по три жены . и аще кто оумрѧше творѧху трызну надъ нимь . и по семъ твор^ѧху кладу ^К велику . и възложать на кладу ^Л мр҃твѣца . и съжигаху . и по семъ събравше кости ^М вложаху въвъ ^Н ссудъ малъ . и поставлѧху на столпѣ . на путехъ . иже творѧть (Вѧ^т̑) ^Н Вѧтичи ^О и нн҃ѣ . си же ѡбычаи творѧху и Кривічи . и прочии погании . не вѣдуще закона Бж҃иа . но творѧху сами себѣ законъ ❙ Гл҃ть Геѡргии в лѣтописьцѣ . ибо комуждо ӕзыку . ѡвѣмь законъ исп^и̑санъ єсть . другымъ ж^є̑ ѡбычаӕ . зане безаконнымъ ѡч҃ьствиємь мнитсѧ . ѿ нихъ же пѣрьвоє Сирии живущии на конѣць землѧ . закон^ъ̑ имуть ѡц҃ь свои^х̑ . и ѡбычаӕ . не любодѣӕти . ни прѣлюбодѣӕти . ни кр^асти ни клеветати . ли оубити . ли зло дѣӕти все/л.7/ма ѿинудь . законъ же и оу Ктириӕнъ . гл҃емии Върахмане .

и Ѡстровичи ^А . иже ѿ предѣлъ ^Б показаньємь и бл҃гоч^с̑тьємь . мѧсъ не ӕдуще . ни вина пьюще . ни блуда творѧще . никакоӕ же злобы творѧще . страха ра^д̑ многа . ибо ӕвѣ таче прилежащи^м̑ к нимъ ^В Индомъ . оубистводѣица . сквѣрнотворѧщии гнѣвли^в̑и паче єстьств^а̑ . въ нутренѣишии жеВперёдѣ ихъ . чл҃вкы ӕдуще . и страньствующихъ оубиваху . паче же ӕдѧть ӕко пси . єтеръ же законъ Халдѣємъ . и Вавилонѧномъ . мт҃ри поимати . и съ братними чады блудъ дѣӕти . и оубивати всѧко бестудьноє дѣӕниє . ӕко дѣтельє мнѧтсѧ дѣюще . любо аще и далече страны своєӕ буду^т̑ . инъ же законъ . Гилиѡмъ . жены оу нихъ ѡрють. и хоромы зижють . и мужьскыӕ дѣла творѧть . но и любы творить єлико хощеть . не въздѣр^ж̑аємы ѿ мужии своихъ ѡтинудь . ни зазрѧть в нихъ же суть и хоробры ^Г . жены ловити звѣрѣ крѣпькы . владѣють жены мужьми своими . и ¹ въдобьлѧють ими . въ Вритании же мно ^Д мужи съ єдиною женою спѧть . тако же и многыӕ жены съ єдинымъ мужемъ похотьствують . и безаконьнаӕ законъ ѡц҃ь ² творѧть . не завистьно и не въздѣржанно ❙ Амазонѧни ³ же мужа не имуть . акы скотъ бесловесныи . но єдиною лѣто^м̑ к вешнимъ ⁴ дн҃емъ . ѡзѣмьствени будуть . и съчитаються . съ ѡкрѣстныхъ ибо мужи ^Е . ӕко нѣкотороє имъ торжество ⁵ и велико ⁶ праз^д̑нество . времѧ ⁷ тѣ мнѧть ⁸ . ѿ нихъ заченши^м̑ въ чревѣ . и пакы разбѣгнутсѧ . ѿсюду вси . въ вре^м̑ же хотѧщимъ родити . аще родитсѧ ѡтроча погубѧть и ⁹ . аще ли дв҃ческъ полъ то ¹⁰ въздоӕть и ¹¹ прилѣж^н̑ь ¹² /л.7об./ и въспитаю^т̑ . ӕко^ж̑ се и нн҃ѣ при ¹³ насъ Половци законъ дѣржать ѡц҃ь своихъ . кровь проливати . а хвалѧщесѧ ¹⁴ ѡ семъ . и ӕдуще мр҃твечину . и всю неч^с̑тоту . хомѧкы ¹⁵ и сусолы . и поимають мачех^ы своӕ . и ӕтрови . и ины ѡбычаӕ ѡц҃ь своихъ ❙ Но мы же хр^с̑тиӕне єлико земль . иже вѣрують въ ст҃ую Тр^о̑цю . и въ єдино кр҃щениє и въ єдину вѣру . законъ имамъ ¹⁶ ѡдинъ ¹⁷. єлико в Х^с̑а крѣстихомъсѧ и въ Х^с̑а ѡблекохо^м̑сѧ . По сихъ же лѣтехъ по см҃рти братьӕ сеӕ . быш^а̑ ѡбидими Деревлѧны ¹⁸. и инѣми ѡколными . и наидоша ӕ ¹⁹ Козаре сѣдѧщаӕ в лѣсѣхъ на гора^{х̑ 20}. и ркоша ²¹ Козарѣ . платите намъ дань . здумавше же Полѧне . и вдаша ѿ дым^а̑ мечь . и несоша Козарѣ ²² къ князю своєму ²³. и къ старѣишинамъ свои^м̑ . и рѣша имъ се налѣзохомъ дань нову . ѡни же рѣша имъ ѿкуду . ѡни же рѣша имъ ²⁴ в лѣсѣ на гора^х̑ на^д̑ рѣкою Днѣпрьскою . ѡні же ркоша ²⁵. что суть вдалѣ ѡни же показаша мечь . и рѣша ²⁶ старцѣ Козарьстии . не добра дань кнѧже мы доискахомсѧ ѡружьємь ѡдиноӕ ²⁷ страны . рѣкше саблѧми . а сихъ ѡружьє ѡбоюду ѡстро . рекше мечи . си имуть имати и на на^с̑ дань ²⁸. и на инѣхъВперёдхъ . се ж^є̑ събы^с̑тьсѧ все . не ѿ своєӕ волѧ ркоша ²⁹. но ѿ ³⁰ Бж҃иӕ изволѣньӕ ³¹. ӕко и пр^и̑ Фараѡнѣ ц^с̑ри Єгупетьстемь . єгда приведоша Моисѣӕ пре^д̑ Фараѡн^а̑ . и ркоша ³² старци Фараѡни . сии ³³ хощеть смири^{т̑ 34}. ѡбласть Єгупетьску . ӕко же и бы^с̑ . погыбоша Єгуптѧнѣ ѿ Моисѣӕ . А пѣрвѣє бѣша работающе имъ . тако и си . пѣрвѣє ³⁵ владѣша . а послѣдѣ ³⁶ самѣми владѣю^т̑ . ӕко^ж̑ и бы^с̑ . володѣють ³⁷ бо Козары Русьстии кн^ѧ̑зи . и до днешнѧго дн҃е ❙

В лѣ^т̑ . ҂s҃ . т҃ . ѯ҃ . [6360] индикта . е҃ı . наченшю Михаилу ц^с̑рьствовати . нача сѧ прозы/л.8/вати Рускаӕ землѧ . ѡ семъ бо оувѣдахо^м̑ . ӕко пр^и̑ се^м̑ ц^с̑ри приходиша Русь . на Ц^с̑рьгра^д̑ . ӕко же писашеть ³⁸ в лѣтописании Грѣцко^м̑ . тѣмь же и ѿселѣ почне^м̑ . и числа положи^м̑ . ӕко ѿ Адама

до потопа . лѣ^т̑ . ҂в҃ . с҃ . м҃ . в҃ . а ѿ потопа до Аврама. лѣт҃. ҂а҃. п҃ . . в҃. ѿ Аврама ¹ до исхожениӕ Моисѣєва . лѣтъ . у҃ ². л҃ . ѿ ³ исхожениӕ Моисѣѡва . до Дв҃да . лѣт҃ . х҃ . а҃ . ѿ Дв҃да и до ⁴ начала цр^с̑тва Соломонѧ . до плѣнениӕ Иєр^с̑лмова . лѣ^т̑ . у҃ . ⁵ . м҃ . и҃ . ѿ плѣнениӕ до Александра. лѣ^т̑ . т҃ . и҃ı . ѿ ⁶ Лександра д^о Х^с̑ва рж^с̑тв ^{7 Ж} . лѣ^т̑ . т҃ . л҃ . г҃ . ѿ ⁸ Х^с̑ва рожьства до Костѧнтина . лѣ^т̑ . т҃ . и҃ı . ѿ ⁹ Костѧнтина же ¹⁰ до Михаила сего . лѣ^т̑ . ф҃ . м҃в . ѿ ¹¹ пѣрьваго лѣта Махаила ^А сего . до пѣрваго лѣ^т̑ Ѡлгова . Рускаго кн҃зѧ . лѣ^т̑ . к҃ѳ . ѿ ¹² пѣрваго лѣ^т̑ Ѡлгова . понелѣже сѣде в Києвѣ . до пѣрваго лѣта Игорева . лѣ^т̑ . л҃а . ѿ ¹³ пѣрва^г̑ лѣ^т̑ Игорева . до пѣрваго лѣ^т̑ Ст҃ославлѧ . лѣ^т̑ . л҃г . ѿ ¹⁴ пѣрваго лѣта Ст҃ославлѧ . до пѣрваго лѣ^т̑ Ӕрополча . лѣ^т̑ . к҃и . Ӕрополкъ ¹⁵ кнѧжи лѣ^т̑ . . и҃ . Володимеръ ¹⁶ кнѧжи лѣ^т̑ . . л҃з . Ӕрославъ ¹⁷ кнѧжи лѣ^т̑ . . м҃ . Тѣмь же ѿ см҃рти Ст҃ославлѧ до см҃ртн Ӕрославли . лѣ^т̑ . . п҃е . ѿ ¹⁸ см҃рти Ӕрославли . до см҃рти Ӕрополчи . лѣ^т̑ . ѯ҃ . Но мы на пре^д̑лежащеє възъвратимсѧ . и скажемъ что сѧ оудѣӕло ¹⁹ в лѣта си . ӕко же преже почали бѧхомъ ²⁰ . пѣрвоє лѣто Михаила . и по рѧду положимъ числа.

В лѣ^т̑ . ҂s҃ . т҃ . ѯ҃ . а҃ . є ❙ В лѣ^т̑ . ҂s҃ . т҃ . ѯ҃ . в҃ . є ❙ В лѣ^т̑ . ҂s҃ . т҃ . ѯ҃ . г҃ . є ❙ В лѣто . ҂s҃ . т . ѯ҃ . д҃ . є ❙ В лѣто . ҂s҃ . т҃ . ѯ҃ . е҃ . є .

В лѣто . ҂s҃ . т҃ . ѯ҃ . s҃ . є [6366] ❙ Михаилъ ц^с̑рь изыде с вои берего^м̑. и моремъ на Болъгары. Болга^р̑ же оувидѣвьше ²¹ . не могоша стати ^А противу . кр^с̑титисѧ просиша ²². покорѧтисѧ Грѣко^м̑ . ц^с̑рь же кр^с̑ти кнѧзѧ ихъ . и боӕры всѧ . и миръ сътвори съ Болгары ❙

В лѣ . ҂s҃ . т҃ѯ҃з҃ . [6367] имаху дань Варѧзи . приходѧще /л.8об./ изъ заморьӕ . на Чюди . и на Словѣнехъ . и на М(е)рѧхъ ^Б . и на всѣхъ Кривичахъ ²³ . и а ²⁴ Козаре ^В имахуть ²⁵ на Полѧне^х̑ . и на Сѣверехъ ²⁶ . и на Вѧтичихъ . имаху по бѣлѣ . и вѣверици ^Г . тако ²⁷ ѿ дыма ❙

В лѣ^т̑ . ҂s҃ . т҃ . ѯ҃и ❙ В лѣто . ҂s҃ . т҃ . ѯ҃ѳ ❙

В лѣто . ҂s҃ . т҃ . о҃ [6370] ❙ И ¹⁰ изгнаша Варѧгы за море . и не даша имъ дани . и почаша сами в собѣ володѣти . и не бѣ в нихъ правды . и въста родъ на ро^д̑ . и быша оусобицѣ в ни^х̑ . и воєвати сами на сѧ почаша. и ркоша ²⁸ поищемъ сами в собѣ кнѧзѧ . иже бы володѣлъ ²⁹ нами и рѧдилъ . по рѧду по праву . идоша за море к Варѧго^м̑ . к Руси . сіце бо звахуть . ты Вар^ѧ̑гы Русь . ӕко се друзии зовутсѧ Свеє . друзии же Оурмани ³⁰. Аньглѧне . инѣи и ³¹ Готе ³². тако и си ³³ ркоша ³⁴ . Русь . Чюдь ³⁵. Словенѣ . Кривичи . и всѧ землѧ наша велика . и ѡбилна . а нарѧда въ ^Д неи нѣтъ ³⁶. да поидете кнѧжи^т̑ и володѣть³⁷ нами . и изъбрашасѧ . триє брата ³⁸ . с роды своими . и поӕша по собѣ всю Русь . и придоша къ Словѣномъ пѣрвѣє ³⁹ . и срубиша горо^д̑ Ладогу ⁴⁰. и сѣде старѣишии в Ладозѣ ⁴⁰ Рюрикъ . а другии Синєоусъ на Бѣлѣѡзерѣ . а третѣи Труворъ въ ⁴¹ Изборьсцѣ . и ѿ тѣхъ Варѧгъ . прозвасѧ Рускаӕ землѧ . по дъвою же лѣту . оумре Синеоусъ . и братъ єго Труворъ . и приӕ Рюрикъ ⁴² власть всю ѡдинъ . и прише^д̑ къ Ильмєрю . и сруби горо^д̑ надъ Волхово^м̑ . и прозваша и Новъгоро^д̑ . и сѣде ту кнѧж^а̑ . и раздаӕ мужемъ своимъ волости . и городы рубити . ѡвому Полътескъ . ѡвому Ростовъ . другому Бѣлоѡзеро. и по тѣмь городомъ суть находницѣ ⁴³. Варѧзи . пѣрвии наслѣдници ⁴⁴ в Новѣгородѣ Словенѣ . и в ⁴⁵ По^л̑о̑тьскѣ ⁴⁶ Кривичи . Ростовѣ ⁴⁷ Мерѧне . ^Е Бѣлѣ/л.9/ѡзерѣ ⁴⁸ Весь. Муромѣ ⁴⁹ Мурома . и тѣми всѣми ѡбладаше

Рюрикъ . и бѧста ¹ оу него два мужа не племени єго ^А. но боӕрина . и та испросистасѧ къ Ц^с̑рюграду ². с родо^м̑ своимъ . и поидоста по Дънепру . идучи мимо . и ³ оузрѣста на горѣ городокъ. и въспрошаста ⁴ ркуще ⁵. чии се городъ . ѡни же ркоша ⁶ была су^т̑ . три братьӕ . Кии . Щекъ . Хоривъ . иже сдѣлаша годъ ^{7 Б} сии . и изъгыбоша ⁸ . а мы сѣдимъ въ городѣ ^В ихъ ⁹ . и платимы ¹⁰ дань Козаро^м̑ . Аск^о̑лдъ же и Диръ . ѡстаста в городѣ семъ . и многы Варѧгы съвокуписта . и начаста владѣти Польскою землею . Рюрику же кнѧжѧщю ^Л в Новѣгородѣ ❙

^М лѣ^{т̑ 11} . ҂s҃ . т҃ . о҃а ❙ ^М лѣ^{т̑ 11} . ҂s҃ . т҃ . о҃в ❙ ^М лѣ^{т̑ 11} . ҂s҃ . т҃ . о҃г ❙

лѣ^{т̑ 11}. ҂s҃ . т҃ . о҃д . [6374] Иде ¹² Асколдъ ^Г и Дир^д̑ъ ^{13 Г} на Грѣкы . и приде въ . д҃ı . лѣ^т̑ . Михаила ц^с̑рѧ ¹⁴ . цр^с̑ю же ѿшедъшю . на Агарѧны . и дошедшю єму Черноє рѣкы . вѣсть єпархъ посла єму . ӕко Русь идеть на Цр^с̑ьгра^д̑ . и воротисѧ цр^с̑ь . си же внутрь Суда вшедъше . много оубииство хр^с̑тиӕномъ створиша . и ¹⁵ въ двою сту кораблии ¹⁶ . Ц^с̑рьгра^д̑ ѡступиша . ц^с̑рь же ѡдва в городъ ¹⁷ вниде . и с патриарьхо^м̑ Фотиємъ . къ сущии цр҃кви ст҃ии Бц҃и въ Лахернѣхъ ¹⁸ . всю нощь молитву створиша . тако же ¹⁹ бж҃ественую ризу ст҃ыӕ Бц҃а . с пѣсьнѣми изнесъше . в рѣку ²⁰ ѡмочиша . тишинѣ сущи ²¹ . и морю оукротившюсѧ . абьє бурѧ с вѣтро^м̑ въста . и волнамъ великымъ въставши^м̑ засобь . и безъбожныхъ Руси кораблѧ смѧте . и къ берегу ²² привѣрже ²⁸ . и изби ӕ . ӕко малу ²⁴ ихъ ѿ таковыӕ бѣды избыти . и въ своӕси възвратишасѧ ❙

В лѣто . ҂s҃. т҃. о҃е ²⁵ ❙ В лѣто . ҂s҃ . т҃ . о҃s . [6376] Поча цр^с̑твовати Василии ❙

В лѣто . ҂s҃ . т҃ . о҃з [6377] ❙ Ккрѣщена ^{26 Н} бы^с̑ всѧ землѧ /л.9об./ Болгарьскаӕ ²⁷ ❙

²⁸ В лѣ^т̑ . ҂s҃ . т҃ . о҃и ❙ В лѣто . ҂s҃ . т҃ . о҃ѳ ❙ В лѣто . ҂s҃ . т҃ . п҃ ❙ В лѣто . ҂s҃ . т҃ . п҃а ❙ В лѣто . ҂s҃ . т҃ . п҃в . ❙ В лѣто . ҂s҃ . т҃ . п҃г ❙ В лѣ^т̑ . ҂s҃ . т҃ . п҃д ❙ В лѣто . ҂s҃ . т҃ . п҃е ❙ В лѣто . ҂s҃. т҃. п҃s ²⁸ ❙ В лѣто . ҂s҃. т҃. п҃з [6387] ❙ Оумѣршю же ²⁹ Рюрикови . пр^є̑дасть кнѧжениє своє Ѡлгови . ѿ рода єму суща ³⁰ . въдавъ єму на руцѣ сн҃а своєго Игорѧ . бѧше бо молодъ велми ❙

³¹ В лѣто . ҂s҃ . т҃ . п҃и ❙ В лѣто . ҂s҃ . т҃ . п҃о ³¹ ❙

В лѣто . ҂s҃ . т҃ . ч҃ [6390] ❙ Поиде Ѡлгъ поємъ вои свои ³² многы . Варѧгы Чюдь. Словѣны . Мѣрю . Весь ^Д . Кривичи ³³ . и приӕ городъ ^Е и посади в нє^м̑ мужь свои . ѿтуда поиде внизъ . и пришєдъ ³⁴ взѧ Любечь . и посади мужь свои . и пр^и̑доста къ горамъ Києвьскымъ . и оувидѣ Ѡлгъ . ӕко Ѡсколдъ и Дир^д̑ъ ^{35 Ж} кн^ѧ̑жита . и похорони вои въ лодьӕхъ. а другыӕ назади ѡстави . а самъ ^В при^д̑ . носѧ Игорѧ молод(а) ³⁶ и приступль . по^д̑ Оугорьскоє . похоронивъ вои свои . и посла къ Асколду . и Диру ³⁷ гл҃ѧ . ӕко гостьє єсмы . идемъ въ Грѣкы ѿ Ѡлга . и ѿ Игор^ѧ̑ кнѧжича ^И. да приид(е)та ³⁸ к роду своєму к нам(ъ.) Асколдъ же и Дир^д̑ъ ³⁹ прид(о)ста ⁴⁰. и выскакаша вси ⁴¹ из лодѣи . и ре^ч̑ Ѡлгъ къ ⁴² Асколодови ^І. и Дирови . в(ы) ⁴³ неста кнѧзѧ ни роду к(н^ѧ̑)жѧ . но азъ єсмь роду к(н^ѧ̑)жа . и вынесоша Игорѧ ^К . сь ⁴⁴ сн҃ъ Рюриковъ . и оубиша Асколода ^{І 45}. и Дир^д̑а ^{46 Г}. и несоша на гору ⁴⁷ .

єже с(ѧ) нн҃ѣ зоветь Оугорьско(є) ¹ . Ѡлминъ дворъ . на то(и) ² могилѣ поставилъ божницю ^А ст҃го Николы . а Дир^д̑ова ^{3 Д} могила за ст҃(о)ю Ѡриною . и сѣде Ѡлегъ . кнѧжа в Кыєвѣ . и ре^ч̑ Ѡлегъ . се буди мт҃(и) городо^{м̑ 4} Ру^с̑скымъ . и бѣша оу него Словѣни . и В(а)рѧзи . и прочии прозвашасѧ Русью . се ⁵ же Ѡлегъ нача городы стави^т̑ . и оустави дани Словѣн^м̑(о) ⁶ /л.10/ и Кривичемъ . и Мерѧмъ . и оустави Варѧго^м̑ дань даӕти . ѿ Новагорода . т҃ . гр^и̑венъ на лѣ^т̑ . мира дѣлѧ єже до см҃рти Ӕрославлѧ даӕше ⁷ . Варѧго^м̑ ❙

В лѣ^т̑ . ҂s҃ . т҃ . ч҃а . [6391] Поча Ѡлегъ воєвати на Дрєвлѧны ⁸ . и примучивъ ӕ . поч^а̑ на ни^х̑ дань имать . по черьнѣ кунѣ ❙

В лѣ^т̑ . ҂s҃ . т҃ . ч҃в . [6392] Ѡде ^{9 Б} Ѡлег^ъ̑ на Сѣвѧры ¹⁰ . и побѣди Сѣверы ¹¹ . и възложи на нихъ ¹² дань легъку . и нє дасть имъ Козаромъ дани даӕти . рекъ ¹³ азъ имъ противенъ . а вамъ не чему ¹⁴ ❙

В лѣ^т̑ . ҂s҃ . т҃ . ч҃г . [6393] Посла Ѡлегъ к Радимиче^м̑ ркѧ ¹⁵ . кому дань даєте . ѡни же рѣша Козаро^м̑ . и ре^ч̑ имъ Ѡлегъ . не даваите Козаромъ но мнѣ даваитє . и вдаша Ѡлгови по щелѧгу ¹⁶. ӕко же и Козаромъ даӕху . и бѣ ѡбладаӕ Ѡлегъ Деревлѧны . Полѧми . Радимичи . а со Оуличи и Тиверьци имѣӕше ¹⁷ рать ❙

В лѣто . ҂s҃. т҃. ч҃д ¹⁸ ❙ В лѣ^т̑. ҂s҃ . т҃ . ч҃е . [6395] Леѡнъ цр^с̑твова сн҃ъ Васильєвъ . иже ¹⁹ и Левъ прозвасѧ . и бра^т̑ єго Александръ . иже ц^с̑рьствоваша ^{20 В} лѣ^{т̑ 21}. к҃s ²¹ ❙

В ²² лѣто . ҂s҃ . т҃ . ч҃s ❙ В лѣто . ҂s҃ . т҃ . ч҃з ❙ В лѣто . ҂s҃ . т҃ . ч҃и ❙ В лѣто . ҂s҃ . т҃ . ч҃ѳ ❙ В лѣто . ҂s҃ . у҃ ❙ В лѣто . ҂s҃ . у҃ . . а҃ ❙ В лѣто . ҂s҃ . у҃ . . в҃ ❙ В лѣто . ҂s҃ . у҃ . г҃ ❙ В лѣто . ҂s҃ . у҃ . д ❙ В лѣто . ҂s҃ . у҃ . е҃ ²² ❙

В лѣто . ҂s҃. у҃. s҃. [6406] Їдоша Оугре мимо Києвъ гор^о̑ю ²³ . єже сѧ зоветь нн҃ѣ Оугорьскоє . и пришєдшє къ Днѣпру . сташа вежами . бѣша бо ходѧще ӕко и Половци . и пришєдшє ѿ въстока . и ²⁴ оустремишасѧ чересъ горы великыӕ . иже пр^о̑звашасѧ горы Оугорьскыӕ . и почаша воєвати на ж^и̑вущаӕ ту . сѣдѧху бо ту преже Словене . и Волохове . переӕша землю Волъıньскую ^{25 Г} . по семъ же Оугре прогнаша Волохы . и наслѣдиша землю ту . и сѣдоша съ Словеньми . покоривше ²⁶ ӕ подъ сѧ . и ѿтолѣ прозвасѧ /л.10об./ землѧ Оугорьска ²⁷ . и начаша воєвати . Оугре на Грѣкы . и пополониша землю Фрачьскую . и Македоньску . доже ²⁸ и до Селунѧ . и начаша воєвати на Мораву . и на Чехы . бѣ бо єдинъ ӕзыкъ Словѣнѣскъ . Словѣнѣ же сѣдѧху по Дунаю. ихъ же приӕша Оугре . и М^о̑рава . и Чеси . и Лѧховѣ . и Полѧне . ӕже нн҃ѣ зовемаӕ ²⁹ Русь . симъ ³⁰ пѣрвѣє ³¹ положены книгы . Моравѣ ӕже^и̑ прозвасѧ грамота Словеньскаӕ . ӕже грамота є ³² в Руси . и в Болгарехъ Дунаискы^х̑ . Словѣномъ бо живущимъ кр^с̑щены^м̑ . и кнѧземъ ихъ Ростиславъ . и Ст҃ополкъ . и Коцелъ . послаша къ ц^с̑рю Михаилу гл҃ще . землѧ наша крѣщена . и нѣ^с̑ в на^с̑ оучитель . иже бы на^с̑ оучилъ ³³. и казалъ ³⁴ . и протолковалъ ст҃ыӕ книгы . не разумѣємъ бо ни Грѣчькому ӕзыку . ни Латиньскому ³⁵ . ѡны бо ны ³⁶ инако оучать . а друзии инако . тѣмь же не разумѣє^м̑ книжнаго разума . ни силы ихъ . а ³⁷ послете ны ³⁸ оучителѧ . иже могуть ны ³⁸ сказати книжнаӕ ³⁹ словеса . и разумъ ихъ . Се слышавъ . Михаилъ ц^с̑рь . съзъва философы ⁴⁰ всѧ . и сказа имъ рѣчи всѧ Словеньскыхъ кнѧзь . и ркош^{а̑ 41} философы . єсть мужь в Селуни . именемь Левъ . и суть оу него сн҃ве разумиви ӕзьку ^{42 Е} Словеньску . и хытра два сн҃а оу него и философа ❙

Се ¹ слышавъ ц^с̑рь посла по нѧ . в. Селунь къ Лвови гл҃ѧ . пошли к ² намъ ³ сн҃а своӕ . Мефедьӕ ⁴ и Костѧнтина . се слышавъ Левъ . въскорѣ посла ӕ . и придоста къ цр^с̑ви . и ре^ч̑ има ц^с̑рь . се прислаласѧ ⁵ ко мнѣ Словеньск^а̑ӕ землѧ . просѧще оуч^и̑телѧ себѣ . иже бы моглъ имъ истолковати . ст҃ыӕ книгы . сего бо желаю^т̑ . и оумолена быста ц^с̑ремъ . и послаша ӕ въ Словѣньскую земьлю . къ Ростиславу и ⁶ Ст҃ополку . и Коцьлови . сима же при^ш̑дъшима . на/л.11/часта съставлѧти писмена . азъбуковнаӕ Словеньскы . и прел^о̑жиста ^{7 А} ап^с̑лъ и єоуа^г̑лиє . и ради быша Словѣнѣ . ӕко слышаша величьӕ Би҃ӕ своимъ ӕзыко^м̑ . по семъ же переложиста ⁸ п^с̑лтрь . и ѡктаикъ . и прочаӕ книгы . нѣчии ^Б же наша хулити Словеньскыӕ книгы гл҃ще ^В . ӕко не достоить никоторому же ӕзыку имѣти буковъ ^Г своихъ . разъвѣ Єврѣи и Грѣкъ . и Латины ⁹ . по Пилатову писанию . єже на кр^с̑тѣ Г^с̑н^и̑ . написа . се же оуслышавъ папежь Римьскыи . похули тѣхъ ¹⁰ . иже ропьщю^т̑ на кникы ¹¹ Словѣньскыӕ . рькѧ ¹² да сѧ исполни^т̑ книжноє слов^о̑ . ӕко въсхвалѧть Ба҃ вьси ӕзыци . другоє же вси възгл҃ють ӕзыкы различными величьӕ Би҃ӕ . ӕко^ж̑ дасть и^м̑ ст҃ыи Дх҃ъ ѿвѣщевати . да аще кто хулить Словеньскую грамоту да буть ^{13 И} ѿлучени ѿ црк҃ве . дондеже исправѧтсѧ . ти ¹⁴ бо суть волци а не ѡвцѣ . ӕже достостоить ^{15 И} ѿ плодъ познати ӕ . и хранитисѧ ихъ . вы же чада Божиӕ послушаите оучениӕ . и не ѿринете ¹⁶ наказаниӕ цр҃ковнаго . ӕко же вы наказалъ Мефедии оучитель вашь . Костѧньтинъ же възвратисѧ въспѧть . и иде оучить ¹⁷ Болгарьска ¹⁸ ӕзыка . а Мефедии ѡста въ Моравѣ . по семь же Коцелъ кнѧзь постави Мефедиӕ єп^с̑па въ Пании . на мѣстѣ ст҃го ап^с̑ла Андроника . єдиного ѿ . о҃ . оучн҃ка ст҃го ап^с̑ла Павла . Мефедии же посади . в҃ . попа борзописца ¹⁹ . велми . и преложи всѧ кьнигы исполнь ѿ Грѣцька ӕзыка въ Словѣнѣскъ . шестью м^с̑ць . наченъ ѿ марта м^с̑ца до двунадесѧту ^{20 Д} . и . s҃ . дн҃ии ²¹ ѡктѧбрѧ м^с̑ца . ѡкончавъ же достоиную хвалу . и славу Бу҃ въздасть ²² . дающему таку блг^д̑ть . єп^с̑пу Мефедью настолнику ^{23 Е} Андроникову . тѣмь же Словѣнь/л.11об./ску ӕзыку єсть оучитель Андроникъ ап^с̑лъ . Моравы ²⁴ бо доходилъ . и ап^с̑лъ Павелъ и оучилъ ту . ту бо є ²⁵ Илурикъ ²⁶ єгоже доходилъ ^Ж ап^с̑лъ Павелъ . ту бо бѧша ²⁷ Словѣни пѣрвѣє ²⁸ . тѣмь же Словѣньску ӕзыку оучитель єсть Павелъ . ѿ негоже ӕзыка и мы єсме ²⁰ Русь . тѣм же и намъ Руси оучитель єсть . Павелъ ап^с̑лъ . понеже оучилъ єсть ӕзыкъ Словѣнескъ . и поставилъ єсть єп^с̑па и намѣстника по себѣ . Андроника Словѣньску ӕзыку . а Словѣнескъ ӕзыкъ и Рускыи ѡдинъ ³⁰ . ѿ Варѧгъ бо прозвашасѧ Русью . а пѣрвѣє бѣша Словѣне . аще и Полѧне звахусѧ . н^о̑ Словѣньскаӕ рѣчь бѣ . П^о̑лѧми ³¹ же прозвашасѧ . занеже в полѣ сѣдѧху . ³² ӕзыкъ Словѣньскыи бѣ имъ єдинъ❙

В лѣто . ҂s҃ . у҃ . з҃ . ❙ В лѣто . ҂s҃ . у҃ . и҃ ❙ В лѣто . ҂s҃ . у҃ . ѳ҃ ❙

В лѣто . ҂s҃ . у҃ . ı҃ [6410] ❙ Леѡнъ цр^с̑ь наӕ Оугры на Болгары . Оугре же нашедше всю землю Болгарьскую . плѣноваху . Семенъ ³³ же оувѣдавъ . на Оугры възвратисѧ . Оугри противу поидоша . и побѣдиша Болгары . ӕко ѡдъва Семеѡнъ . въ Деръстеръ ³⁴ оубѣжа ❙

В лѣто . ҂s҃ . у҃ . а҃ı [6411] ❙ Ігореви ^З възрастъшю .

и хожаше по Ѡлзѣ и слу^ш̑ше єго . и прививедоша ^{1 И} єму жену ѿ Плескова . именемь Ѡльгу ❙

² В лѣто . ҂s҃ . у҃ . в҃ı ❙ В лѣто . ҂s҃ . у҃ . г҃ı ² ❙ В лѣто . ҂s҃ . у҃ . д҃ı ❙